అన్నతో చెల్లెలి సహజీవనం.. అడ్డొస్తోందని కూతురిని హత్య

0
3
child death

వారిద్దరూ ఒకే తల్లి కడుపున రక్తం పంచుకుని పుట్టిన అన్నాచెల్లెళ్లు. కానీ సమాజ కట్టుబాట్లను కాలదన్ని లైంగిక సంబంధం పెట్టుకున్నారు. కుటుంబసభ్యులు, బంధువులు చీవాట్లు పెట్టడంతో వేరే ప్రాంతానికి వెళ్లిపోయి తమ బంధాన్ని కొనసాగిస్తున్నారు. అయితే ఆమెకు భర్త ద్వారా పుట్టిన బిడ్డ తన అక్రమ సంబంధానికి అడ్డుగా ఉందన్న కారణంతో ప్రాణాలు తీశారు. సభ్యసమాజం తలదించుకునేలా ఉన్న ఈ ఘటన మహబూబాబాద్‌ జిల్లాలో వెలుగుచూసింది.కేసముద్రం మండలం నర్సింహుల గూడెంకు చెందిన శిరీషకు కట్టుగూడెంకు చెందిన అశోక్‌తో ఏడేళ్ల క్రితం వివాహం జరిగింది. వీరికి అనూశ్రీ అనే పాప జన్మించింది. ఐదేళ్ల క్రితం శిరీష తన తోడబుట్టిన అన్న పూనెం కుమారస్వామితో వివాహేతర సంబంధం పెట్టుకుంది. ఈ విషయం బయటకు తెలియడంతో ఆమెను అశోక్ వదిలేశాడు. బంధవులందరూ చీవాట్లు పెట్టడంతో శిరీష, కుమారస్వామి కలిసి అనూశ్రీని తీసుకొని గ్రామం నుంచి పారిపోయారు. ఆలేరు, భువనగిరి ప్రాంతాల్లో పౌల్ట్రీ ఫామ్‌లో కూలీలుగా పనిచేస్తూ జీవనం సాగిస్తున్నారు. వీరికి ఇద్దరు కొడుకులు పుట్టారు.ఆరేళ్ల వయసు దాటిన అనూశ్రీ ఇటీవల తరుచూ అనారోగ్య సమస్యలతో బాధపడుతోంది. దీంతో శిరీష, కుమారస్వామి కలిసి పాపను చంపేయాలని నిర్ణయింంచుకున్నారు. జులై 24న అనూశ్రీని భువనగిరి జిల్లా మర్రిగూడెం సమీపంలోని పౌల్ట్రీ ఫామ్‌కు తీసుకెళ్లి ఊపిరాడకుండా చేసి చంపేశారు. ఆ తర్వాత అనూశ్రీ స్పృహ కోల్పోయిందని హడావుడి చేస్తూ స్థానిక ఆర్‌ఎంపీ వద్దకు చికిత్స కోసం తీసుకెళ్లారు. పాప చనిపోయిందని డాక్టర్ చెప్పడంతో మృతదేహంతో అదేరోజు రాత్రి నర్సింహులగూడెం చేరారు. అయితే శిరీష మేనమామ వెంకన్న అనుమానంతో పోలీసులకు ఫిర్యాదు చేయడంతో కథ అడ్డం తిరిగింది. దీనిపై కేసు నమోదు చేసుకున్న పోలీసులు పాప మృతదేహాన్ని పోస్టుమార్టం చేయించడంతో హత్యకు గురైనట్లు తేలింది. దీంతో పోలీసులు శిరీష, కుమారస్వామిని అదుపులోకి తీసుకుని విచారించగా తామే హత్య చేసినట్లు అంగీకరించారు.

LEAVE A REPLY

Please enter your comment!
Please enter your name here