ఆందోళన కలిగిస్తోన్న పాజిటివిటీ రేటు!

0
7

  రెండు రోజుల క్రితం తగ్గిన కేసులు మళ్లీ పెరుగుతున్నాయి. పాజిటివీటి రేటు కూడా 6.91కు చేరింది. కొత్తగా మరో 44మంది ప్రాణాలు కోల్పోయారు.

దేశంలో కరోనా కేసులు మళ్లీ పెరిగాయి. రెండు రోజుల క్రితం కాస్త తగ్గిన కేసులు.. మళ్లీ మెల్లిగా పెరుగుతున్నాయి. గత 24 గంటల వ్యవధిలో 3.96 లక్షల మందికి కరోనా పరీక్షలు నిర్వహించగా.. 20,557 మందికి కరోనా పాజిటివ్‌గా తేలింది. బుధవారం 18 వేలకుపైగా కొత్త కేసులు రాగా.. గురువారం మాత్రం 20 వేలు దాటింది. పాజిటివిటీ రేటు 5 శాతం దాటగా.. 6.91 శాతానికి చేరింది. గత ఐదు రోజులుగా ఐదు శాతంపైనే ఉండటం ఆందోళన కలిగిస్తోంది

ప్రస్తుతం యాక్టివ్ కేసులు 1.46 లక్షల(0.33శాతం)కు పెరిగాయి. రికవరీ రేటు విషయానికి వస్తే.. 98.47 శాతానికి చేరింది. బుధవారం 19 వేల మందికి పైగా కరోనా నుంచి కోలుకున్నారు. 44మంది ప్రాణాలు కోల్పోయారు. ఇప్పటి వరకూ 4.39 కోట్లకు పైగా కేసులు రాగా.. 5.26 లక్షల మంది ప్రాణాలు కోల్పోయారు. ఢిల్లీలో నిన్న కొత్త కేసులు వెయ్యికి పైగా నమోదు కావడం ఆందోళన కలిగిస్తోంది. ప్రజలు కరోనా నిబంధనలు పాటించాలని.. మాస్క్ ధరించి, భౌతిక దూరం పాటించాలని వైద్యులు, అధికారులు సూచిస్తున్నారు.

LEAVE A REPLY

Please enter your comment!
Please enter your name here