ఆమిర్ ఖాన్‌పై విజయశాంతి ఫైర్..

0
4
vijayshanthi vs amirkhan

బాలీవుడ్ సూప‌ర్ స్టార్ ఆమిర్ ఖాన్ హీరోగా, క‌రీనా క‌పూర్ హీరోయిన్‌గా నటించిన లేటెస్ట్ మూవీ లాల్ సింగ్ చడ్డా . ఈ మూవీలో టాలీవుడ్ స్టార్ అక్కినేని నాగ చైత‌న్య కీలక పాత్రలో యాక్ట్ చేశాడు. ఈ సినిమా ఆగస్టు 11న థియేటర్స్‌లో సందడి చేయనుంది. తెలుగులో ఈ మూవీని మెగాస్టార్ చిరంజీవి సమర్పిస్తున్నారు. కాగా.. గతంలో ఆమిర్ ఖాన్ చేసిన కామెంట్స్, హిందూ దేవుళ్లను కించపరుస్తూ చేసిన కొన్ని సీన్ల ఎఫెక్ట్ లాల్ సింగ్ చడ్డా మూవీపై పడుతోంది. Boycott Laal Singh Chaddha హ్యాష్ ట్యాగ్‌తో ట్వీట్టర్‌లో ట్రెండ్ చేస్తున్నారు. దీంతో తన సినిమాను బాయ్ కాట్ చేయకండంటూ ఆమిర్ ఖాన్ ప్రేక్షకులను కోరారు. తనకు భారతదేశం అంటే నచ్చదని.. ఇష్టముండదని అనుకుంటూ ఉంటారని.. కానీ అది నిజం కాదన్నారు. అలా అనుకుంటుంటే తనకు చాలా బాధగా ఉంటుందన్నారు. లాల్ సింగ్ చడ్డా సినిమాను అందరూ థియేటర్లో చూడమని రిక్వెస్ట్ చేశారు. తాజాగా.. ఆమిర్ ఖాన్‌పై లేడీ సూపర్ స్టార్, బీజేపీ నాయకురాలు విజయశాంతి ఓ రేంజ్‌లో ఫైర్ అయ్యారు.ప్రజలను అమాయకులుగా భావించి నోటికొచ్చినట్లు మాట్లాడితే… ఆ పరిణామాలు ఎలా ఉంటాయో బాలీవుడ్ హీరో ఆమిర్ ఖాన్‌కి జనం అర్థమయ్యేలా చేస్తున్నారని అన్నారు విజయ శాంతి. బీజేపీ సర్కారుపై గుడ్డి వ్యతిరేకతతో భారతమాతను అవమానిస్తూ 2015లో ఆమిర్ చేసిన అసహన వ్యాఖ్యల ఫలితాన్ని ఇప్పుడాయన చూస్తున్నారని అన్నారు. భారత్‌లో అసహనం పెరిగిపోయిందని.. ఈ దేశం విడిచిపోవాలని తన భార్య ప్రతిపాదించిందని అప్పట్లో జరిగిన జర్నలిజం అవార్డుల కార్యక్రమంలో ఆయన అన్నారని గుర్తు చేశారు రాములమ్మ.’భారతదేశంలోని ప్రభుత్వ, ప్రయివేట్ వ్యవస్థల్లో హైందవేతరులు ఎన్నెన్ని గొప్ప గొప్ప స్థానాల్ని పొందారో.. ఇప్పటికీ పొందుతున్నారో.. చరిత్రను, సమకాలీన పరిస్థితులను పరిశీలిస్తే తెలుస్తుంది. మనకి స్వాతంత్య్రం రావడానికి ముందు, తర్వాత, నేడు.. ఎప్పుడు చూసుకున్నా ఈ దేశం మతసామరస్యంతో అందరికీ స్థానమిచ్చి గౌరవిస్తోంది. ఇందుకు పెద్ద ఉదాహరణ ఆమిర్‌తో సహా బాలీవుడ్‌లో సముచిత గౌరవం అందుకుంటున్న ఖాన్ త్రయాన్నే చెప్పుకోవచ్చు. కానీ, వాస్తవమేంటో తెలిసిన ప్రజలు ఆమిర్ వ్యాఖ్యల్ని తిప్పికొట్టడంతో పాటు, ఆయన బ్రాండ్ అంబాసిడర్‌గా ఉన్న వాణిజ్య ఉత్పత్తుల్ని కూడా బహిష్కరించారు..’ అని విజయ శాంతి సోషల్ మీడియాలో పోస్ట్ చేశారు.గతంలో ఆమిర్ నటించిన పీకే సినిమాలో సైతం హిందూ వ్యతిరేకతనే ప్రధానంగా చూపించడమే కాకుండా.. హిందూ దేవుళ్లని అవమానించారని అన్నారు రాములమ్మ. అప్పట్లో హిందూ సంస్థలు ఆ సినిమాని నిషేధించాలని కూడా డిమాండ్ చేశాయని గుర్తుచేశారు. ఇలా ప్రజా వ్యతిరేకత మూటగట్టుకున్న ఆమిర్ ఖాన్ ‘లాల్ సింగ్ చడ్డా’ అనే ఇన్స్‌పిరేషనల్ మూవీతో ముందుకొచ్చారని.. కానీ, ప్రజల్లో ఏమాత్రం స్ఫూర్తిని నింపే స్థితిలో ఆమిర్ లేరని అన్నారు. గతంలో చేసిన దేశ వ్యతిరేక వ్యాఖ్యలను ప్రజలు ఆయనకి గుర్తుచేస్తూ.. హ్యాష్ ట్యాగ్‌తో ఈ మూవీకి వ్యతిరేకంగా సోషల్ మీడియాలో అందదరినీ మేలుకొలుపుతున్నారని అన్నారు.

పరోక్షంగా మెగాస్టార్‌కు కౌంటర్..?

ఈ సందర్భంగా ఫైర్ బ్రాండ్ విజయ శాంతి పరోక్షంగా మెగాస్టార్ చిరంజీవి కూడా కౌంటర్ ఇచ్చినట్లు తెలుస్తోంది. ఈ సినిమాకు తెలుగులో మెగాస్టార్ సమర్పికుడిగా వ్యవహరిస్తున్న విషయం తెలిసిందే. ‘దురదృష్టమేంటంటే.. ప్రజలు ఇంత చైతన్యంతో వ్యవహరిస్తున్నా.. మన సౌత్ హీరోలు కొందరు ఆ ప్రజల మనోభావాలు తమకు తెలియదన్నట్లు ఆమిర్ చిత్రాన్ని ప్రమోట్ చేస్తూ టీవీ షోల్లో పాల్గొంటున్నారు. దేశం పట్ల ప్రజల్లో ఉన్న ప్రేమాభిమానాలను పట్టించుకోకుండా వ్యవహరించడం సమంజసం కాదేమో వారు ఆలోచించాలి..’ అంటూ రాములమ్మ రాసుకొచ్చారు. ఈ వ్యాఖ్యలు చిరంజీవిని ఉద్దేశించి చేసినవే అంటూ నెటిజన్లు కామెంట్స్ పెడుతున్నారు.

LEAVE A REPLY

Please enter your comment!
Please enter your name here