ఇది ఆల్‌టైమ్ రికార్డ్ అంటున్న టీటీడీ..

0
5

 శ్రీవారి హుండీకి భారీగా ఆదాయం.. ఆల్ టైమ్ రికార్డ్, ఎన్ని కోట్లంటే!

 రికార్డ్ స్థాయిలో ఆదాయం. ఆల్‌టైమ్ రికార్డు అంటున్నారు. గత నెల 5న శ్రీవారికి భక్తులు రూ.6.18 కోట్ల కానుకల్ని హుండీ సమర్పించారు. ఈ ఏడాది రూ.1500 కోట్లు దాటుతుందని అంచనా.

తిరుమల శ్రీవారికి మరోసారి రికార్డ్ ఆదాయం నమోదైంది. జులై నెలలో ఆల్ టైమ్ రికార్డు బద్దలు కొట్టింది. వరుసగా ఐదో నెలలో ఆదాయం రూ.100 కోట్లు దాటింది. గత నెలలో కేవలం 21 రోజుల్లోనే శ్రీవారి హుండీ ద్వారా రూ.100 కోట్ల 75 లక్షల ఆదాయం వచ్చింది. శ్రీవారికి రూ.139.46 కోట్ల హుండీ ఆదాయం వచ్చింది. మే నెలలో రూ.130 కోట్లే అత్యధిక హుండీ ఆదాయం కాగా.. గత నెలలో 140 కోట్ల మార్క్ చేరుకోలేదు కానీ.. అల్ టైమ్ రికార్డు అయితే సృష్టించింది.

జులై నెలలో 23,38,316 మంది భక్తులు స్వామివారిని దర్శించుకోగా 139.46 కోట్ల ఆదాయం సమకూరింది. ఏడుకొండల స్వామిని దర్శించుకున్న ప్రతి ఒక భక్తుడు సరాసరి 596 రూపాయలు హుండీ కానుకగా వేశారు. గత నెల 5న భక్తులు శ్రీవారికి రూ.6.18 కోట్ల కానుకల్ని హుండీలో సమర్పించుకున్నారు. ఇలా ఒక్క రోజులో 6 కోట్ల పైచీలుకు ఆదాయం రావడం తిరుమల చరిత్రలో ఇది రెండోసారి. గతంలో 2018 జూలై 26న రూ.6.28 కోట్ల కానుకల్ని భక్తులు హుండీలో వేశారు.

గడిచిన రెండేళ్లుగా కరోనా కారణంగా తిరుమలకు రాలేని భక్తులు.. ఇప్పుడు కేసులు తగ్గి పరిస్థితి కుదుటపడటంతో మళ్లీ భక్తులు పోటెత్తుతున్నారు. దీంతో ప్రతి నెలా హుండీ ఆదాయం రికార్డులు సృష్టిస్తోంది అని చెప్పొచ్చు. ఇకపోతే వేసవి సెలవుల కారణంగా గడిచిన నాలుగు నెలలుగా శ్రీవారి హుండీ ఆదాయం రూ.100 కోట్లు దాటుతోంది. ఇలాగే హుండీ ఆదాయం పెరుగుతూ పోతే.. ఈ ఏడాది శ్రీవారి ఆదాయం రూ.1,500 కోట్లు దాటుతుందని టీడీడీ అంచనా వేస్తోంది.

LEAVE A REPLY

Please enter your comment!
Please enter your name here