ఉచిత హామీలు తగవు..సుప్రీంకోర్టు

0
6

ఎన్నికల సమయంలో రాజకీయ పార్టీలు ఇచ్చే ఉచిత హామీలపై సుప్రీంకోర్టు ఆందోళన వ్యక్తం చేసింది. తీవ్రమైన అంశంగా పరిగణించింది. దీనిపై పరిష్కారం వెదకాలని కేంద్రానికి సూచించింది. ఆర్థిక శాఖ చర్చించి దీనిపై ఒక మార్గాన్ని అన్వేషించే అవకాశం ఉందో..? లేదో..? తెలుసుకోవాలని కేంద్రాన్ని కోరింది. కాగా కోర్టు తదుపరి విచారణను ఆగస్టు 3కి కోర్టు వాయిదా వేసింది. కాగా రాజకీయ పార్టీలు ఎన్నికల సమయంలో ఉచిత హామీలను గుప్పించడం పరిపాటిగా మారింది.

అహేతుకమైన ఉచితాల కోసం రాజకీయ పార్టీలపై చర్యలు తీసుకోవాలని కోరుతూ న్యాయవాది, బీజేపీ నేత అశ్విని ఉపాధ్యాయ్‌ పిల్ దాఖలు చేశారు. దీనిపై జనవరి 25న సీజేఐ ఎన్‌వీ రమణ నేతృత్వంలోని ధర్మాసనం కేంద్రానికి, ఎన్నికల సంఘానికి నోటీసులు జారీ చేసింది. ఆ పిటిషన్‌పై మంగళవారం కోర్టు మరోసారి విచారణ జరిపింది. ఈ సందర్భంగా ఉచిత హామీలపై నిషేధం విధించే చట్టాన్ని ప్రభుత్వమే తీసుకురావాల్సి ఉంటుందని ఈసీ తరఫున హాజరైన న్యాయవాది కోర్టుకు నివేదించారు. ఎన్నిక‌ల మేనిఫెస్టో ఎలాంటి వాగ్ధానం కాద‌ని గ‌తంలో సుప్రీంకోర్టు వెలువ‌రించిన తీర్పులున్నాయ‌ని కోర్టు దృష్టికి తీసుకొచ్చారు.

ఈ సందర్భంగా ఉచిత వాగ్ధానాలు సీరియస్ అంశమని.. దీనిపై ఒక స్టాండ్ తీసుకోవడానికి కేంద్రం ఎందుకు ఆలోచిస్తుందని సుప్రీంకోర్టు ప్రశ్నించింది. దీనిపై పరిష్కారం కోసం ఫైనాన్స్ ఫైనాన్స్ కమిషన్ సూచనలను కోరవచ్చా..? లేదా..? అని పరిశీలించాలని కేంద్రాన్ని ఆదేశించింది. అయితే ఈ అంశంలో రాజకీయ అంశాలు ఇమిడి ఉన్నందున కేంద్ర ప్రభుత్వం ఉచితాలపై ఒక నిర్ణయం తీసుకుంటుందని తాను భావించడం లేదని సీనియర్ న్యాయవాది కపిల్ సిబల్ పేర్కొన్నారు. రాజకీయ పార్టీలు ఇచ్చిన ఉచిత హామీలపై దృష్టి సారించకపోతే.. మన ఆర్థిక వ్యవస్థలు కుప్పకూలే ప్రమాదం ఉందని పిల్ వేసిన అశ్విని ఉపాధ్యాయ్‌ పేర్కొన్నారు. కాగా కోర్టు తదుపరి విచారణను ఆగస్టు 3కి కోర్టు వాయిదా వేసింది. కాగా రాజకీయ పార్టీలు తమ గెలుపు కోసం ప్రజలకు వివిధ రకాలైన ఉచిత హామీలను ఇవ్వడం పరిపాటిగా మారింది.

LEAVE A REPLY

Please enter your comment!
Please enter your name here