ఎంపీలతో ప్రత్యక్షమైన వైసీపీ ఎంపీ.. 

0
8

 ఫోటో వైరల్, ఎందుకు కలిశారంటే!

టీడీపీ ఎంపీలతో కలిసి వైసీపీ ఎంపీ ఉండటం ఏంటని అనుకుంటున్నారా. అవును సోషల్ మీడియాలో ఓ ఫోటో మంగళవారం నుంచి వైరల్ అవుతోంది. అసలే టీడీపీ వర్సెస్ వైఎస్సార్‌సీపీ అన్న రేంజ్‌లో పొలిటికల్ హీట్ కొనసాగుతుంటే.. అధికార పార్టీ ఎంపీ టీడీపీ ఎంపీలతో ప్రత్యక్షం కావడం ఆసక్తి రేపింది. వైఎస్సార్‌సీపీ యువ నేత‌, న‌ర‌స‌రావుపేట ఎంపీ లావు శ్రీకృష్ణ‌దేవ‌రాయ‌లు మంగ‌ళ‌వారం టీడీపీ ఎంపీల‌తో క‌లిసి క‌నిపించారు. టీడీపీతో పాటు మ‌రికొన్ని పార్టీల ఎంపీల‌లు కూడా వారితో పాటూ ఉన్నారు.

నర్సరావుపేట ఎంపీ లావు శ్రీకృష్ణ‌దేవ‌రాయ‌లు విజ‌య‌వాడ ఎంపీ కేశినేని నాని ఢిల్లీలో నివాసానికి వెళ్లారు. అక్క‌డ టీడీపీకి చెందిన ముగ్గురు ఎంపీలు కేశినేని, గ‌ల్లా జ‌య‌దేవ్‌, కింజ‌రాపు రామ్మోహన్ నాయుడులతో కలిసి గ్రూప్ ఫొటో దిగారు. ఈ ఫొటోలో టీడీపీ ముగ్గురు ఎంపీలు, వైఎస్సార్‌సీపీ ఎంపీ లావుల‌తో పాటు డీఎంకేకు చెందిన ఎంపీలు క‌నిమొళి, త‌మిజాచ్చి తంగ‌పాండియ‌న్‌, క‌థిర్ ఆనంద్‌, ఎన్సీపీ ఎంపీ సుప్రియా సూలేతో పాటూ శివ‌సేన ఎంపీ ధైర్య‌శీల్ మానే ఉన్నారు. వీరంతా క‌లిసి కేశినేని నాని ఇంటికి వెళ్లారు. డీఎంకే ఎంపీ కథిర్ ఆనంద్ ఫొటోను సోష‌ల్ మీడియాలో పోస్ట్ చేశారు.

LEAVE A REPLY

Please enter your comment!
Please enter your name here