ఎంపీ కోమటిరెడ్డి వెంకట్ రెడ్డి కీలక వ్యాఖ్యలు

0
4
MP komatreddy venkat reddy

 తనను బద్నాం చేయడానికి టీపీసీసీ పనిచేస్తున్నారని భువనగిరి ఎంపీ, తెలంగాణ కాంగ్రెస్ స్టార్ క్యాంపెయినర్ కోమటిరెడ్డి వెంకట్ రెడ్డి ఆరోపించారు. కేంద్ర హోంమంత్రి అమిత్ షాను కలిసిన తర్వాత మీడియాతో మాట్లాడిన వెంకట్ రెడ్డి పలు కీలక అంశాలను ప్రస్తావించారు. హుజురాబాద్ విషయంలో రేవంత్ రెడ్డి నిర్లక్ష్యంగా వ్యవహరించారని ఆరోపించారు. ఎన్నికల 10 రోజుల ముందు వరకు కనీసం అభ్యర్థిని కూడా ప్రకటించలేదని వివరించారు.తనను ఓడించడానికి పనిచేసిన చెరుకుపల్లి సుధాకర్ ను పార్టీలో ఎలా చేర్చుకున్నారని కోమటిరెడ్డి వెంకట్ రెడ్డి ప్రశ్నించారు. ఆయన బూర నర్సయ్య గౌడ్ కు చాలా దగ్గరికి మనిషి అని వ్యాఖ్యానించారు. నాలుగుసార్లు ఎమ్మెల్యేగా గెలిచి.. ఐదోసారి ఓడిపోయానని.. ఆ వెంటనే ఎంపీగా గెలిచానని స్పష్టం చేశారు. వాళ్లకు నచ్చిన పత్రికల్లో తనకు వ్యతిరేకంగా వార్తలు రాయించారని వెంకట్ రెడ్డి ఆగ్రహం వ్యక్తం చేశారు. హుజురాబాద్ ఉప ఎన్నికల్లో బీజేపీని గెలిపించడానికే రేవంత్ రెడ్డి పనిచేశారని ఆరోపించారు.

మూడేళ్ల కింద వచ్చిన వారు పీసీసీ అయితే.. ముప్పై ఏళ్ల నుంచి ఉన్న నేతను స్టార్ క్యాంపెయినర్ చేస్తారా అని వెంకట్ రెడ్డి ప్రశ్నించారు. లోకల్ ఎంపీకి చెప్పకుండా చండూరు సభ ఎలా పెడతారని నిలదీశారు. చండూరు సభకు హాజరవుతానని వ్యాఖ్యానించారు. 377 డ్రా వచ్చిందని తెలిశాక రేవంత్ రెడ్డి ఈ సభకు ప్లాన్ చేశారని ఆరోపించారు. మునుగోడు పై ఎందుకీ తొందర అని నిలదీశారు. స్థానిక ఎంపీకి తెలవకుండా జాయినింగ్ ఎలా డిసైడ్ చేస్తారని ప్రశ్నించారు. దాసోజు శ్రవణ్ వంటి నేతలు ఎందుకు బయటకు వెళ్తున్నారో చెప్పాలని డిమాండ్ చేశారు.

పాత కాంగ్రెస్ నేతలను మొత్తం బయటకు వెళ్లగొడుతున్నారని కోమటిరెడ్డి వెంకట్ రెడ్డి ఆవేదన వ్యక్తం చేశారు. అందర్నీ వెళ్లగొట్టి టీడీపీ నేతలకు టిక్కెట్లు ఇవ్వాలనే ప్లాన్ చేస్తున్నారని సంచలన వ్యాఖ్యలు చేశారు. తెలంగాణలో కాంగ్రెస్ పార్టీని ఖతం చేయాలని రేవంత్ ప్లాన్ చేస్తున్నారని ఆరోపించారు. ప్రాణం పోయినా కాంగ్రెస్ పార్టీలోనే ఉంటానని స్పష్టం చేశారు. రెండు డిగ్రీల ఎండ కొడితే ప్రాణాలు పోయేవారిని రేవంత్ రెడ్డి పక్కన పెట్టుకుంటున్నారని సెటైర్లు వేశారు. మునుగోడు వంటి ఎన్నికలు వస్తుంటాయి.. పోతుంటాయని వ్యాఖ్యానించారు. మునుగోడు ప్రజలు చైతన్యవంతులని.. ఎవరిని గెలిపించాలో వారికి తెలుసు అని వ్యాఖ్యానించారు.

కేంద్ర హోంమంత్రి అమిత్ షాతో కోమటిరెడ్డి బ్రదర్స్ విడివిడిగా మాట్లాడారు. ముందుగా కోమటిరెడ్డి రాజగోపాల్ రెడ్డి అమిత్ షాతో భేటీ అయ్యారు. తాను బీజేపీ చేరే అంశంపై చర్చించినట్టు తెలుస్తోంది. ఆ తర్వాత ఎంపీ కోమటిరెడ్డి వెంకట్ రెడ్డి షాతో సమావేశమయ్యారు. బీబీ నగర్ ఎయిమ్స్, తెలంగాణ వరద నష్టం గురించి మాట్లానని చెప్పారు. తన బ్రదర్ గురించి ప్రస్తావించగా.. అతను ఎందుకు కలిశారో తనకు తెలియదని వెంకట్ రెడ్డి స్పష్టం చేశారు.

LEAVE A REPLY

Please enter your comment!
Please enter your name here