కన్నతండ్రి, చిన్నాన్నని హతమార్చిన కొడుకు..

0
7

జంట హత్యల కలకలం..

కన్నతండ్రితో పాటు చిన్నాన్న దారుణంగా హతమార్చిన ఘటన తీవ్ర కలకలం రేపింది. భూ తగాదాల విషయంలో మాటామాటా పెరగడంతో ఇద్దర్ని గడ్డపారతో దారుణంగా చంపేశాడు. హత్య చేసిన అనంతరం నిందితుడు పోలీసులకు లొంగిపోయాడు. ఈ దారుణ ఘటన నిజామాబాద్ జిల్లాలో చోటుచేసుకుంది.

నిజామాబాద్ జిల్లా మోపాల్ మండల కేంద్రానికి చెందిన కర్రోళ్ల అబ్బయ్య, నడిపి సాయి అన్నదమ్ములు. స్థల విషయంలో కుటుంబంలో గొడవ రావడంతో అబ్బయ్య కుమారుడు సతీష్ సమీపంలోని గడ్డపారతో తండ్రితో పాటు చిన్నాన్న నడిపి సాయి కిరాతకంగ దాడి చేశాడు. దాంతో వారిద్దరూ అక్కడికక్కడే ప్రాణాలు వదిలారు. ఉదయం 6 గంటల 30 నిమిషాల చోటుచేసుకున్న ఈ ఘటనతో మోపాల్ గ్రామం ఒక్కసారిగా ఉలిక్కిపడింది.

ఈ జంట హత్యల విషయం తెలుసుకోగానే పోలీసులు హుటాహుటిన ఘటనా స్థలానికి చేరుకున్నారు. గ్రామంలో ఎలాంటి గొడవలు జరగకుండా పోలీసులు గట్టి బందోబస్తు ఏర్పాటు చేశారు. స్థల విషయంలో చోటుచేసుకున్న ఈ ఘటనలో నిందితుడు సతీష్ పోలీసులకు లొంగిపోయాడు. కేసు నమోదు చేసిన పోలీసులు దర్యాప్తు చేపడుతున్నారు.

LEAVE A REPLY

Please enter your comment!
Please enter your name here