కుప్పకూలిన ఫ్లైట్ బయటపడిన మహిళా పైలట్

0
5

 ఓ ట్రైనీ విమానం కుప్పకూలింది. సాంకేతిక లోపం కారణంగా ఓ ట్రైనీ పైలట్ నడుపుతున్న విమానం పెద్ద శబ్ధంతో పూణె జిల్లాలోని ఓ గ్రామంలోని మైదానంలో కూలిపోయింది. అయితే ఈ ప్రమాదం నుంచి మహిళా పైలట్ సురక్షితంగా బయటపడింది. సోమవారం ఉదయం జరిగిన ఈ ఘటన ఆమెకు స్వల్ప గాయాలయ్యాయి. వెంటనే ఆమెను ఆస్పత్రికి తరలించారు. అయితే ఇది ఎలా జరిగిందో తెలుసుకునేందుకు అధికారులు ప్రయత్నాలు చేస్తున్నారు.

ఈ ఫ్లైట్ ఓ ప్రైవేటు ఏవియేషన్ స్కూల్ది. భావనా రాఠోడ్ విమానంలో ఒంటరిగా పూణెలోని బారామతి విమానాశ్రయంలో బయలుదేరింది. 

సింగిల్ సీటర్ విమానం మహారాష్ట్రలోని పూణె జిల్లాలో కుప్పకూలింది. సోమవారం ఉదయం 11.30 గంటల సమయంలో జరిగిన ఈ ఘటనలో పైలట్ శిక్షణలో ఉన్న భావనా రాఠోడ్ గాయాలయ్యాయి. స్వల్ప గాయాలతో ఆమె ప్రమాదం నుంచి బయటపడింది. ఫ్లైట్ ఎవరూ లేని మైదానంలో కూలడంతో ఎవరికి ఎటువంటి ప్రాణ నష్టం జరగలేదు.

 సాకేంతిక లోపం కారణంగా ఇందాపూర్ తహసీల్‌లోని కడ్బన్‌వాడి ప్రాంతంలో పెద్ద శబ్ధంతో విమానం కూలింది. ఆ శబ్ధానికి స్థానికులు ప్లైట్ కూలిన చోటుకి పరుగులు తీశారు. ప్రమాదంలో గాయపడిన ఆ భావనా రాఠోడ్‌కి వెంటనే ప్రాథమిక చికిత్స అందించారు. అనంతరం న‌వ్‌జీవ‌న్ ఆస్పత్రికి తరలించారు. ఈ దుర్ఘటనలో ఫ్లైట్ బాగా దెబ్బతిన్నది. అయితే విమానం కూలిన తర్వాతే దెబ్బతిన్నదని అధికారులు భావిస్తున్నారు.

అలాగే సాంకేతిక లోపం కారణంగా ఫ్లైట్‌కి విద్యుత్ సరఫరా నిలిచిపోయి.. ఈ ప్రమాదం జరిగినట్టు అధికారులు అంచనా వేస్తున్నారు.

LEAVE A REPLY

Please enter your comment!
Please enter your name here