గర్ల్‌ఫ్రెండ్‌ని ఇంప్రెస్ చేసేందుకు..

0
8

గర్ల్‌ఫ్రెండ్‌ని ఇంప్రెస్ చేసేందుకు.. ఏకంగా ఏటీఎంకే కన్నం..!

గర్ల్‌ఫ్రెండ్‌ని ఇంప్రెస్ చేయడానికి ఒక్కొక్కళ్లు ఒక్కో పని చేస్తుంటారు. కొందరు కాస్ట్లీ గిఫ్ట్స్‌ ఇస్తే.. ఇంకొకరు కవితలతో పడగొట్టేస్తారు. కానీ, ఇతగాడు మాత్రం డబ్బుతో పడగొట్టాలని అనుకున్నాడు. తన చేతిలో ఏమీ డబ్బు లేదు.. రాత్రికి రాత్రే అంత డబ్బు కావాలంటే ఆషామాషీ కాదు. ఏం చేయాలబ్బా అని ఆలోచిస్తుంటే.. ఠక్కున ఏటీఎం గుర్తొచ్చింది. అర్ధరాత్రి ఎవ్వరూ లేని సమయం చూసి కన్నం వేద్దాం అనుకొని చివరికి జైలులో సున్నం గోడల మధ్యలో పడ్డాడు.

రాజస్థాన్‌ దౌసా జిల్లాకు చెందిన కమల్ (27), ప్రవీణ్ (20) ఢిల్లీలో ఉంటున్నారు. తన గర్ల్‌ఫ్రెండ్‌ని ఎలాగైనా ఇంప్రెస్ చేయాలనుకున్న కమల్ ఏటీఎం‌లో దొంగతనం చేయాలని నిర్ణయించుకున్నాడు. ఇది తన ఒక్కడి వల్లా కాదని.. దీనికి సాయం చేయమని తన కజిన్ ప్రవీణ్‌ని అడగడంతో అతనకు కూడా ఓకే అన్నాడు. ఇద్దరూ కలిసి అర్ధరాత్రి దాటిన తర్వాత తెల్లవారుజామున ఏటీఎంను కొల్లగొట్టాలని ప్లాన్ చేశారు.

తాము ప్లాన్ చేసుకున్న ప్రకారమే ఓ ఏటీఎంను సెలక్ట్ చేసుకుని శనివారం తెల్లవారుజామున 2:15 గంటల సమయంలో గ్యాస్ కట్టర్‌తో ఏటీఎం దగ్గరకు వెళ్లారు. అయితే, అదే సమయంలో పోలీసులు అటు వైపు వెళ్తుండటంతో.. పోలీసులను చూసిన వీళ్లిద్దరూ గ్యాస్ కట్టర్, సిలిండర్ అక్కడే వదిలేసి పరారపయ్యారు. దాంతో సీసీ టీవీ ఫుటేజ్ పరిశీలించి ఇద్దరు యువకులను అరెస్ట్ చేసిన పోలీసులు.. దొంగతనం ఎందుకు చేయాలనుకున్నారని అడిగితే, తన గర్ల్‌ఫ్రెండ్ కోసమంటూ కమల్ సమాధానం ఇచ్చాడు. కేసు నమోద చేసిన పోలీసులు జైలుకి తరలించారు.

LEAVE A REPLY

Please enter your comment!
Please enter your name here