పింగళి వెంకయ్య శత జయంతి వేడుకలు..

0
8

హర్ ఘర్ తిరంగా.. పింగళి వెంకయ్య పోస్టల్ స్టాంప్ విడుదల చేస్తాం.. కేంద్ర మంత్రి కిషన్ రెడ్డి

ఆజాదీ కా అమ‌ృత్ మహోత్సవ్‌లో భాగంగా ఆగస్టు 13-15 వరకు దేశంలోని ప్రతి ఇంటిపై జాతీయ జెండా రెపరెపలాడాలని కేంద్ర మంత్రి కిషన్ రెడ్డి అన్నారు. ఆగస్టు 2వ తేదీన పింగళి వెంకయ్య శత జయంతి వేడుకలు నిర్వహిస్తామని.. ఈ సందర్భంగా ఆయన ఫొటోతో పోస్టల్ స్టాంప్ విడుదల చేస్తామని కిషన్ రెడ్డి తెలిపారు. 2వ తేదీ ఢిల్లీ, కోల్‌కతాలో జరిగే కార్యక్రమంలో అమిత్ షా పాల్గొని.. పింగళి వెంకయ్య రూపొందించిన నిజమైన జాతీయ జెండాను ప్రదర్శిస్తారని చెప్పారు.

ఆజాదీ కా అమ‌ృత్ మహోత్సవ్‌లో భాగంగా ఆగస్టు 13-15 వరకు దేశంలోని ప్రతి ఇంటిపై జాతీయ జెండా రెపరెపలాడాలని కేంద్ర మంత్రి కిషన్ రెడ్డి అన్నారు. ఆగస్టు 2వ తేదీన పింగళి వెంకయ్య శత జయంతి వేడుకలు నిర్వహిస్తామని.. ఈ సందర్భంగా ఆయన ఫొటోతో పోస్టల్ స్టాంప్ విడుదల చేస్తామని కిషన్ రెడ్డి తెలిపారు. 2వ తేదీ ఢిల్లీ, కోల్‌కతాలో జరిగే కార్యక్రమంలో అమిత్ షా పాల్గొని.. పింగళి వెంకయ్య రూపొందించిన నిజమైన జాతీయ జెండాను ప్రదర్శిస్తారని చెప్పారు. అదేవిధంగా భట్ల పెనమర్రు వెళ్లి పింగళి వెంకయ్య కుటుంబ సభ్యులను కలుస్తామని కిషన్ రెడ్డి తెలిపారు.

ఈ సందర్భంగా ఇవాళ ఉదయం విజయవాడలో నిర్వహించిన కార్యకర్తల సమావేశంలో కిషన్ రెడ్డి మాట్లాడుతూ హర్ ఘర్ తిరంగా పేరుతో దేశ వ్యాప్తంగా కార్యక్రమం నిర్వహిస్తున్నామని.. పార్టీలు, రాజకీయాలకు అతీతంగా ప్రతి ఇంటిపై జాతీయ జెండా ఎగురవేయాలని అన్నారు. భారతీయులు దేశ భక్తికి చిహ్నంగా అందరూ భాగస్వామ్యం కావాలని ఆయన కోరారు. అదేవిధంగా ఆగస్టు 2వ తేదీన పింగళి వెంకయ్య మీద ఒక పాట కూడా విడుదల చేస్తున్నామని చెప్పారు. ప్రధాని నరేంద్ర మోదీ, హోం శాఖ మంత్రి అమిత్ షా పింగళి వెంకయ్య కుటుంబ సభ్యులను సన్మానిస్తారని తెలిపారు.

ఆగస్టు 3వ తేదీన ఢిల్లీలో ఎయిర్ పోర్ట్ నుంచి పార్లమెంట్ విజయ చౌక్ వరకు యాత్ర చేపట్టామని.. ఈ సందర్భంగా పార్లమెంట్ సభ్యులంతా మోటార్ సైకిల్‌పై తిరంగా యాత్రలో పాల్గొంటారని పేర్కొన్నారు. ఆగస్టు 14వ తేదీన పాకిస్తాన్ విభజన్ కా విదుష్ కా స్మృతి దివస్ పేరుతో కార్యక్రమం చేపడతామన్నారు. అదే రోజు చనిపోయిన వారికి శ్రద్ధాంజలి ఘటిస్తామని.. ఆగస్టు 14వ తేదీ రాత్రి అందరూ క్యాండిల్ ర్యాలీ నిర్వహించాలని కిషన్ పిలుపునిచ్చారు. ఆగస్టు 15న స్వాతంత్ర్య దినోత్సవం నాడు మహనీయుల విగ్రహాలను శుభ్రం చేసి అలంకరించాలని కోరారు.

LEAVE A REPLY

Please enter your comment!
Please enter your name here