ప్రజా గోస-బీజేపీ భరోసా కార్యక్రమం…

0
9

 బాన్సువాడకు హైదరాబాద్ నుంచి బుల్డోజర్లను తెప్పిస్తాం..!

ఉమ్మడి నిజామాబాద్ జిల్లాలో ప్రజా గోస-బీజేపీ భరోసా కార్యక్రమం జోరుగా సాగుతోంది. బాన్సువాడ నియోజకవర్గంలో.. గోషామహల్ ఎమ్మెల్యే రాజాసింగ్ విస్తృతంగా పర్యటిస్తున్నారు. బైక్ ర్యాలీలు నిర్వహిస్తూ.. ప్రభుత్వంపై విమర్శలు గుప్పిస్తున్నారు. తాజాగా రాజాసింగ్ కీలక వ్యాఖ్యలు చేశారు. బాన్సువాడకు హైదరాబాద్ నుంచి బుల్డోజర్లను తెప్పిస్తామని హాట్ హాట్ కామెంట్స్ చేశారు.

నిజామాబాద్ జిల్లా బాన్సువాడ నియోజకవర్గంలోని కోటగిరిలో.. బీజేపీ కార్యాలయాన్ని ప్రారంభించారు ఎమ్మెల్యే రాజాసింగ్. ఈ సందర్భంగా కీలక కామెంట్స్ చేశారాయన. బాన్సువాడ నియోజకవర్గాన్ని స్పీకర్ పోచారం శ్రీనివాస్ రెడ్డి రెండుగా విభజించి.. ఇద్దరి కొడుకులకు పంచారని ఆరోపించారు. ఒకరికి ఇసుక మాఫియా.. ఇంకొకరికి కంకరా మాఫియా అప్పజెప్పారని ఘాటు వ్యాఖ్యలు చేశారు. వీరి కారణంగానే బాన్సువాడ నియోజకవర్గం అభివృద్ధి చెందడం లేదని ఆరోపణలు గుప్పించారు.

బాన్సువాడ నియోజకవర్గంలో టీఆర్ఎస్పార్టీని కూలదోయటానికి.. హైదరాబాద్ నుంచి బుల్డోజర్లను తెప్పిస్తామని రాజాసింగ్ సంచలన వ్యాఖ్యలు చేశారు. నిజామాబాద్ జిల్లాను ఐఎస్ఐకి అడ్డాగా చేశారని ఆరోపించారు. నిజామాబాద్ జిల్లాలో ఎంతో మందికి ట్రైనింగ్ ఇచ్చి.. దాడులకు ప్లాన్ చేస్తున్నారని రాజాసింగ్ వ్యాఖ్యానించారు. ఈ కుట్రలను ఎప్పటికప్పుడు బీజేపీ తిప్పి కొడుతుందని చెప్పారు. రాజాసింగ్ చేసిన ఈ కామెంట్స్ ఇప్పుడు తెలంగాణ రాజకీయాల్లో హాట్ టాపింక్ గా మారాయి.

LEAVE A REPLY

Please enter your comment!
Please enter your name here