బింబిసార ప్రీరిలీజ్ ఈవెంట్‌లో ఎన్టీఆర్ ధరించిన టీషర్ట్ ధర ఎంతంటే..?
నందమూరి క‌ళ్యాణ్ హీరోగా తెరకెక్కిన లేటెస్ట్ మూవీ బింబిసార . ఈ సినిమా ఆగస్టు 5న ఆడియన్స్ ముందుకు రానుండగా.. శుక్రవారం ప్రీరిలీజ్ ఈవెంట్ గ్రాండ్‌గా జరిగింది. ఈ వేడుకకు ముఖ్య అతిథిగా జూనియర్ ఎన్టీఆర్ హాజరయ్యారు.
బింబిసార మూవీతో అభిమానులను అలరించేందుకు రెడీ అవుతున్నాడు నందమూరి క‌ళ్యాణ్. నందమూరి తారక రామారావు ఆర్ట్స్ ప‌తాకంపై హ‌రికృష్ణ.కె ఈ చిత్రాన్ని నిర్మించారు. ఆగస్టు 5న ఈ సినిమా ఆడియన్స్ ముందుకు రాబోతుంది. ఇటీవల విడుదల చేసిన ట్రైలర్‌కు ఆడియన్స్ నుంచి మంచి స్పందన వచ్చింది. శుక్రవారం ఈ సినిమా ప్రీరిలీజ్ ఈవెంట్ హైదరాబాద్‌లో గ్రాండ్‌గా జరిగింది. ఈ ఈవెంట్‌కు యంగ్ టైగర్ జూనియర్ ఎన్టీఆర్చీఫ్ గెస్ట్‌గా హాజరయ్యారు. ఈ సందర్భంగా ఎన్టీఆర్ స్పీచ్‌తో అదరగొట్టేశారు.
ఈ ఈవెంట్‌లో ఎన్టీఆర్ స్పెషల్ అట్రాక్షన్‌గా నిలిచారు. ఫుల్ హ్యాండ్స్ బ్లాక్ కలర్ టీషర్టులో డిసెంట్ లుక్‌లో కనిపించారు. RRR మూవీ బ్లాక్‌బస్టర్ హిట్ తరువాత ఎన్టీఆర్ ఓ వేదికపై కనిపించారు. ఈ సందర్భంగా ఎన్టీఆర్ ధరించిన టీషర్టు అందరినీ ఆకర్షించింది. దీంతో ఆ టీషర్టు కోసం నెట్టింట సెర్చ్ చేస్తున్నారు.
కార్ల్లాబ్రాండ్ టీషర్టు ఎన్టీఆర్ ధరించగా.. ఆ టీషర్టు ధర ఆన్‌లైన్‌లో రూ.24 వేలు చూపిస్తోంది. వామ్మో అంత కాస్ట్‌లీనా అంటూ ఫ్యాన్స్ అంటున్నారు.
అయితే కాస్ట్‌లీ వస్తువులు వాడడంలో యంగ్ టైగర్ ఎప్పుడు ముందువరసలోనే ఉంటారు. ఆయన వాడే కార్ల నుంచి వాచెస్ వరకు అన్ని వస్తువుల ధరలు కాస్త ఎక్కువగానే ఉంటాయి. గతంలో RRR మూవీ సక్సెస్ మీట్‌లో తారక్ రూ.కోటి 70 లక్షల విలువైన వాచ్ ధరించిన విషయం తెలిసిందే. అంతకుముందు ఓ ఈవెంట్‌లో ఎన్టీఆర్ దాదాపు రూ.4 కోట్ల విలువైన వాచ్ ధరించిన విషయం వైరల్ అయింది. తాజాగా రూ.24 వేల విలువైన టీషర్టును ధరించి.. బింబిసార ప్రీరీలిజ్ ఈవెంట్‌కు హాజరయ్యారు. RRR మూవీతో సూపర్ హిట్ అందుకున్న యంగ్ టైగర్.. త్వరలోనే కొరటాల శివ డైరెక్షన్‌లో ఓ మూవీ చేయనున్నారు. ఆ తరువాత ప్రశాంత్ నీల్ దర్శకత్వంలో నటించనున్నారు.
