బీజేపీ ఎంపీ అరెస్ట్…

0
5

ట్రిపుల్ ఐటీ విద్యార్థుల ఆందోళన..

బాసర ట్రిపుల్ ఐటీలో విద్యార్థుల ఆందోళన రాజకీయ మలుపు తీసుకుంటోంది. వారిని పరామర్శించేందుకు వెళ్తున్న అదిలాబాద్ ఎంపీ సోయం బాపురావును పోలీసులు అరెస్ట్ చేశారు.

విద్యార్థుల ఆందోళనతో నిర్మల్ జిల్లా సర ట్రిపుల్ ఐటీలో మళ్లీ ఉద్రిక్త పరిస్థితులు నెలకొన్నాయి. విద్యార్థుల ఆందోళనకు మద్దతు తెలిపేందుకు వెళ్తున్న రాజకీయ నేతలు క్యూ కట్టడంతో పోలీసులు ముందస్తు అరెస్టులు చేస్తున్నారు. ఈ క్రమంలోనే బీజేపీ ఎంపీ సోయం బాపురావును అదుపులోకి తీసుకున్నారు. కార్యకర్తలతో కలిసి ట్రిపుల్ ఐటీకి వెళ్తున్న ఆయన్ని నందన్ ఎక్స్‌రోడ్ వద్ద అదుపులోకి తీసుకుని లోకేశ్వరం పోలీస్‌స్టేషన్‌కు తరలించారు

మెస్ కాంట్రాక్టర్‌ని తొలగించి కొత్తవారిని నియమించాలని డిమాండ్ చేస్తూ శనివారం రాత్రి విద్యార్థులు మెరుపు ఆందోళనకు దిగారు. భోజనం తినకుండా రాత్రంతా జాగారం చేస్తూ అధికారులకు వ్యతిరేకంగా నినాదాలు చేశారు. ఉదయం కూడా బ్రేక్‌ఫాస్ట్ చేయకుండా ఆందోళన కొనసాగిస్తూ ఉన్నారు. దీంతో రంగంలోకి దిగిన పోలీసులు క్యాంపస్‌లో భారీ బందోబస్తు ఏర్పాటుచేశారు. ట్రిపుల్ ఐటీ సిబ్బంది సహా ఇతరులెవరినీ లోనికి రానివ్వడం లేదు.

మరోవైపు వీసీ వచ్చి చర్చలు జరిపినా విద్యార్థులు పట్టువీడటం లేదు. తాము లేవనెత్తిన ఐదు డిమాండ్లపై క్లారిటీ ఇచ్చేవరకు తాము ఆందోళన విరమించేది లేదని చెబుతున్నారు. మెస్ టెండర్లకు అధికారులు నోటిఫికేషన్ విడుదల చేయగా.. మిగిలిన డిమాండల్ల సంగతేంటని విద్యార్థులు నిలదీస్తున్నారు. ఫుడ్ పాయిజన్ జరిగిన సమయంలో ఇచ్చిన హామీలు ఇంతవరకు అమలు కాలేదని ఆరోపిస్తున్నారు. అయితే అధికారుల వివరణ మాత్రం మరోలా ఉంది. విద్యార్థులు చేస్తున్న డిమాండ్లను నెరవేర్చేందుకు తాము కృషి చేస్తున్నామని చెబుతున్నారు.

LEAVE A REPLY

Please enter your comment!
Please enter your name here