బీజేపీ వర్సెస్ టీఆర్ఎస్ డైలాగ్ వార్..

0
9

దమ్ముంటే ధర్మపురి అరవింద్ నాపై పోటీ చేయాలి: జీవన్ రెడ్డి

తెలంగాణలో బీజేపీ వర్సెస్ టీఆర్ఎస్ డైలాగ్ వార్ రోజురోజుకూ ముదురుతోంది. ముఖ్యంగా నిజామాబాద్ జిల్లాలో సవాళ్ల పర్వం నడుస్తోంది. తాజాగా.. బీజేపీ ఎంపీ ధర్మపురి అరవింద్ కు టీఆర్ఎస్ ఎమ్మెల్యే జీవన్ రెడ్డి ఛాలెంజ్ చేశారు. దమ్ముంటే తనపై పోటీచేసి గెలవాలని సవాల్ విసిరారు. దీనిపై ధర్మపురి అరవింద్ ఎలా రియాక్ట్ అవుతారన్నది ఇప్పుడు హాట్ టాపిక్ గా మారింది.

తెలంగాణలో సవాళ్ల రాజకీయం ఊపందుకుంది. ముఖ్యంగా టీఆర్ఎస్, బీజేపీ నేతల మధ్య సవాళ్ల సైరన్ మోగుతోంది. మొన్న ఈటల రాజేందర్ కేసీఆర్ కు సవాల్ చేస్తే.. టీఆర్ఎస్ పార్టీ నేతలు కౌంటర్ ఇచ్చారు. ఆ తర్వాత ఆయన మళ్లీ మరో ఛాలెంజ్ చేశారు. హుజురాబాద్ లో తనపై పోటీ చేసి గెలవాలని సవాల్ విసిరారు. దీనిపై టీఆర్ఎస్ నుంచి ఇంతవరకు ఎలాంటి స్పందన రాలేదు.

తాజాగా ఆర్మూర్ ఎమ్మెల్యే జీవన్ రెడ్డి . నిజామాబాద్ ఎంపీ ధర్మపురి అరవింద్ కు ఛాలెంజ్ చేశారు. దమ్ముంటే తనపై పోటీ చేసి గెలవాలని సవాల్ చేశారు. నిజామాబాద్ జిల్లా నందిపేట్ మండలం నికల్పూర్ గ్రామంలో.. వెంకటేశ్వర స్వామి ఆలయం శంకుస్థాపనలో ఎమ్మెల్యే జీవన్ రెడ్డి ఈ ఛాలెంజ్ చేశారు. ఎంపీ అరవింద్ ఫేక్ అని ఆరోపించారు. కేసీఆర్ ఫ్యామిలీ జోలికొస్తే ఊరుకోబోమని వార్నింగ్ ఇచ్చారు. ఆర్మూర్ అభివృద్ధిపై ఎంపీ అరవింద్ బహిరంగ చర్చకు రావాలని ఆహ్వానించారు.

మామిడిపల్లి రైల్వే వంతెన తెచ్చింది తానైతే.. ఎంపీ తెచ్చానని చెప్పుకోవడం సిగ్గుచేటని అన్నారు ఎమ్మెల్యే జీవన్ రెడ్డి. 2017లో వంతెన మంజూరైనప్పుడు అరవింద్ ఎంపీ కాదని గుర్తుచేశారు. ఆర్మూర్ అభివృద్ధికి తాను 3 వేల కోట్లు తెచ్చానని జీవన్ రెడ్డి వివరించారు. ఎంపీగా ఎన్ని నిధులు తెచ్చారో చెప్పాలని ప్రశ్నించారు. పసుపుబోర్డు విషయంలో అరవింద్ మాటతప్పారని ఫైర్ అయ్యారు. ఎర్ర జొన్న రైతులకు మద్దతు ధర ఇప్పిస్తానని చెప్పి మాట నిలుపుకోలేదని వ్యాఖ్యానించారు.

LEAVE A REPLY

Please enter your comment!
Please enter your name here