రంగు,లోగో మాత్రమే మార్పు..రుచి కాదు

0
5

స్ప్రైట్ బాటిల్ ఇక నుంచి కొత్త కలర్‌లో.. కన్‌ఫ్యూజ్ కాకండి!

స్ప్రైట్ బాటిళ్లను చాలా వరకు రంగు చూసే గుర్తు పట్టొచ్చు. వాటికో ఐకానిక్ డిజైన్, కలర్ ఉంటుంది. కానీ ఇక నుంచి మీరు స్టోర్లకు వెళ్లేటప్పుడు ఒకటి గుర్తుంచుకోండి. స్ప్రైట్ బాటిళ్లు గ్రీన్ రంగులో కనిపించవు. ఎందుకంటే రేపటి నుంచి ఈ బాటిల్స్ రంగు మార్చుకుంటున్నాయి. 60 ఏళ్లు పైబడిన తర్వాత స్ప్రైట్ బాటిళ్ల రంగు మారుతోంది. గ్రీన్ కలర్ కాకుండా.. తెలుపు రంగులో మీకు దర్శనం ఇవ్వనున్నాయి. స్టోర్లకు వెళ్లినప్పుడు.. రంగును బట్టి స్ప్రైట్ బాటిల్ కాదేమో అని కన్‌ఫ్యూజ్ కాకండి.

 60 ఏళ్ల తర్వాత స్ప్రైట్బాటిల్ తన రంగు మార్చుకుంటోంది. తన ఐకానిక్ గ్రీన్ కలర్‌ స్థానంలో పర్యావరణహితమైన తెలుపు రంగును తీసుకొస్తోంది. స్ప్రైట్ పేరెంట్ కంపెనీ అయిన కోకా-కోలా ఈ నిర్ణయాన్ని ప్రకటించింది. కొత్త డిజైన్‌లో Sprite Bottles అమ్మకం ఆగస్టు 1, 2022 నుంచి ప్రారంభమవుతుందని కంపెనీ తెలిపింది. ప్లాస్టిక్ ప్యాకేజింగ్‌ను తగ్గించేందుకు ఇటీవలే కేంద్ర ప్రభుత్వం సింగిల్ యూజ్ ప్లాస్టిక్ ప్యాకింగ్‌ను నిషేధించింది. ఈ నిర్ణయానికి మద్దతు ఇచ్చేలా కోకా-కోలా కంపెనీ తన బాటిళ్ల రంగును మారుస్తోంది.

తన గ్రీన్ కలర్ బాటిళ్ల కోసం వాడుతోన్న ప్లాస్టిక్ పాలిస్టర్ ప్యాకేజింగ్‌ నుంచి పూర్తిగా పర్యావరణహితమైన రంగులోకి మారుతున్నామని కోకా-కోలా తెలిపింది. కేవలం బాటిళ్ల రంగు మాత్రమే మారుతుందని, స్ప్రైట్ రుచి కాదని పేర్కొంది. కొత్త బాటిళ్లకు వాడే మెటీరియల్స్‌ను తేలిగ్గా రీయూజ్ చేయగలమని పేర్కొంది.

అయితే ఇక్కడ మరో విషయం గుర్తుంచుకోవాలి. కేవలం స్ప్రైట్ బాటిళ్ల రంగు మాత్రమే మారుతోంది. పెద్ద పెద్ద క్యాన్ల రంగు మాత్రం గ్రీన్‌గానే ఉంటుంది. రంగుతో పాటు స్ప్రైట్ తన లోగోలో కూడా మార్పులు తీసుకొస్తోంది. ఈ లోగోలో ‘రీసైకిల్ మీ’ అనే మెసేజ్‌ను కూడా తెలియజేస్తోంది. రంగును, లోగోను మారుస్తున్నప్పటికీ, తన ఐకానిక్ గ్రీన్ వారసత్వాన్ని పోగొట్టుకోకుండా ఉండేందుకు గ్రీన్ క్యాప్‌నే ఆ బాటిళ్లకు వాడనుంది. కాగా, 1961 నుంచి స్ప్రైట్ బాటిళ్లను ఆకుపచ్చ రంగులోనే ప్యాక్ చేసి, విక్రయిస్తోంది కంపెనీ. తొలిసారి వీటిని అమెరికాలో లాంచ్ చేసింది. కంపెనీ లెక్కల ప్రకారం, స్ప్రైట్ అనేది కంపెనీ బెస్ట్ సెల్లింగ్ డ్రింకులలో ఒకటి.

LEAVE A REPLY

Please enter your comment!
Please enter your name here