రెండూ ఒకే రోజు జరిగాయి..జగన్ రెడ్డి భవిష్యత్తేంటో

0
14

జగన్ సర్కార్ తీసుకున్న నిర్ణయం ఏపీలో రాజకీయంగా హీట్ పెంచింది. ఎన్టీఆర్ హెల్త్ యూనివర్శిటీ పేరును మార్చడంపై టీడీపీతో పాటూ ప్రతిపక్షాలు ఆగ్రహం వ్యక్తం చేస్తున్నాయి. ప్రభుత్వ నిర్ణయాన్ని తప్పుబడుతున్నాయి రాష్ట్రవ్యాప్తంగా టీడీపీ నిరసనలు చేసింది. ఇటు సర్కార్ మాత్రం ఏపీ అసెంబ్లీలో బిల్లు తీసుకొచ్చి డాకర్ట్ ఎన్టీఆర్ హెల్త్ యూనివర్శిటీ పేరును డాక్టర్ వైఎస్సార్‌ హెల్త్ యూనివర్శిటీగా మార్చేసింది. బిల్లుకు సభలో ఆమోదం తెలపడంతో వర్శిటీ పేరు మారింది. టీడీపీ మాత్రం.

ఈ నిర్ణయం సరికాదని తాము మళ్లీ అధికారంలోకి రాగానే యూనివర్శిటీ పేరు మార్చేస్తామని చెబుతోంది.ఈ వివాదం కొనసాగుతున్న సమయంలోనే వైఎస్సార్‌సీపీకి కేంద్ర ఎన్నికల సంఘం ట్విస్ట్ ఇచ్చింది. పార్టీ శాశ్వత అధ్యక్షుడి ఎన్నిక చెల్లదని తేల్చి చెప్పింది.. అది ప్రజాస్వామ్యానికి విరుద్దమని తెలిపింది. ఈ వ్యవహారం ఏపీ రాజకీయాల్లో హాట్ టాపిక్ అవుతోంది.

రెండూ ఒకే రోజు అంటున్న లోకేష్

ఎన్టీఆర్ హెల్త్ యూనివర్శిటీకి పేరు మార్పు, ఇటు ఎన్నికల సంఘం కూడా వైఎస్సార్‌సీపీ శాశ్వత అధ్యక్షుడి ఎన్నిక చెల్లదని చెప్పడంతో టీడీపీ జాతీయ ప్రధాన కార్యదర్శి నారా లోకేష్ ట్విట్టర్ వేదికగా స్పందించారు. ముఖ్యమంత్రి వైఎస్ జగన్‌ను టార్గెట్ చేశారు. దేవుడి స్క్రిప్ట్ అంటే ఇదేనంటూ ఎద్దేవా చేశారు. కేంద్ర ఎన్నికల సంఘం రాసిన లేఖను ట్వీట్‌తో పాటూ జత చేశారు. ‘ఎన్టీఆర్ హెల్త్ యూనివర్సిటీ పేరు మార్చాడు.. తన పార్టీకి తానే అధ్యక్షుడు కాకుండా పోయాడు రెండూ ఒకే రోజు దేవుడి స్క్రిప్ట్‌. జగన్ రెడ్డి భవిష్యత్తేంటో..?’ అంటూ నారా లోకేష్ ఎద్దేవా చేశారు. యూనివర్శిటీ పేరు మారుస్తూ అసెంబ్లీలో బిల్లు పెట్టి ఆమోదించిన తర్వాతే కేంద్ర ఎన్నికల సంఘం వైఎస్సార్‌సీపీ శాశ్వత అధ్యక్షుడి అంశంలో ట్విస్ట్ ఇచ్చిందంటూ లోకేష్ పరోక్షంగా ప్రస్తావించారు. సీఎం జగన్‌పై ట్విట్టర్ వేదికగా సెటైర్లు పేల్చారు.

Ysrcp ప్లీనరీలో శాశ్వత అధ్యక్షుడిగా జగన్ ఎన్నిక

వైఎస్సార్‌సీపీ శాశ్వత అధ్యక్షుడిగా వైఎస్ జగన్‌ను ఎన్నుకొంటూ ఇటీవల జరిగిన పార్టీ ప్లీనరీలో నిర్ణయం తీసుకున్న సంగతి తెలిసిందే. ఈమేరకు ప్లీనరీలో పార్టీ రాజ్యాంగాన్ని సవరించుకున్నారు. అయితే ఈ అంశంలో కేంద్ర ఎన్నికల సంఘం ట్విస్ట్ ఇచ్చింది. పార్టీలో శాశ్వత అధ్యక్షుడిగా ఎన్నిక చెల్లదని సీఈసీ తెలిపింది. ఏ పార్టీలోనూ శాశ్వత పదవులు అనేవి ఉండకూడదని అది ప్రజాస్వామ్యానికి విరుద్ధమని ప్రస్తావించింది. ఈ ఎన్నిక నియమాలను ఉల్లంఘించినట్లేనని ఎన్నికల సంఘం చెబుతోంది. ఈ మేరవకు వైఎస్సార్‌సీపీ జనరల్ సెక్రటరీకి కేంద్రం ఎన్నికల కమిషన్ క్లారిటీ ఇచ్చింది. ఈ మేరకు ఎన్నికల సంఘం నియమ నిబంధనల్ని గుర్తు చేసింది. గుర్తింపు పొందిన రాజకీయ పార్టీలు ప్రతి రెండేళ్లకోసారి పార్టీ సర్వసభ్య సభను నిర్వహించి ప్రత్యక్ష విధానంలో అధ్యక్ష ఎన్నికలు నిర్వహించాలని మార్గదర్శకాలు చెబుతున్నాయి. అలాగే శాశ్వత అధ్యక్షుడిగా కొనసాగేందుకు మార్గదర్శకాలు అంగీకరించవని అయినా జగన్‌ను శాశ్వత అధ్యక్షుడిగా ఎన్నుకున్నారని చెబుతున్నారు.

వైసీపీకి నోట్ పంపిన కేంద్ర ఎన్నికల సంఘం

ఎన్నికల సంఘం పంపిన నోట్‌లో.. ప్రజాస్వామ్యంలో ఓ పార్టీకి శాశ్వత అధ్యక్షుడు కానీ.. ఒక పదవికి శాశ్వత నియామకం జరగడం గానీ ఉండదు అని పేర్కొంది. ఎప్పటికప్పుడు పార్టీలకు ఎన్నికలు జరగాలని.. ఎన్నికల నియమావళికి అనుగుణంగా జరగాలని గుర్తు చేసింది. ఈసీ ఇచ్చిన నియమావళి అంగీకరించిన తర్వాతే ఈ దేశంలో పార్టీల రిజిస్ట్రేషన్‌ వ్యవహారాలన్నీ జరుగుతున్నాయని చెప్పింది. అయితే పార్టీకి శాశ్వత అధ్యక్షుడిగా నియమించడం ఈసీ నియమ నిబంధనలకు విరుద్ధమని ఈసీ చెబుతోంది. ఇప్పటికే పలుమార్లు వైఎస్సార్‌సీపీ ఉత్తరాలు రాసినా, సమాచారం కోరినా స్పందించలేదని అంటోంది. అందుకే వైఎస్సార్‌సీపీకి శాశ్వత అధ్యక్షుడిగా ఎన్నికైనట్లు మీడియాలో వచ్చిన వార్తలను నిజమని భావిస్తున్నామనిత తెలిపింది. వైఎస్సార్‌సీపీ స్పందించకపోవడం వల్లే ఈ నిర్ణయానికి వచ్చామంటోంది. శాశ్వత అధ్యక్షుడిగా నియామకానికి సంబంధించి అంతర్గతంగా విచారణ జరిపి ఆ నివేదికను కేంద్ర ఎన్నికల సంఘానికి పంపాలని పార్టీ ప్రధాన కార్యదర్శిని ఆదేశించింది ఎన్నికల సంఘం.

LEAVE A REPLY

Please enter your comment!
Please enter your name here