వంగలపూడి అనితకు వైసీపీ కార్యకర్త ఫోన్..

0
7

వంగలపూడి అనితకు వైఎస్సార్‌సీపీ కార్యకర్త నుంచి ఫోన్ కాల్. మాధవ్ విషయంలో అతిగా స్పందించొద్దని హెచ్చరించారు. చిన్న విషయాన్ని పెద్దది చేసి రాద్ధాంతం ఎందుకని ప్రశ్నించాడు

ఏపీ తెలుగు మహిళ అధ్యక్షురాలు వంగలపూడి అనిత కు ఆగంతకుడి నుంచి ఫోన్ వచ్చింది. మంగళవారం విజయవాడలో ఏపీ మహిళ హక్కుల పరిరక్షణ సమితి ఆధ్వర్యంలో రౌండ్‌ టేబుల్ సమావేశం జరిగింది. ఈ మీటింగ్‌కు అనిత హాజరుకాగా.. ఈ భేటీ జరుగుతున్న సమయంలో అనితకు ఓ ఫోన్ వచ్చింది. ఎంపీ గోరంట్ల మాధవ్‌ వ్యవహారంపై అతిగా స్పందించవద్దని అనితను హెచ్చరించారు. మాధవ్‌ గురించి దారుణంగా మాట్లాడుతున్నారని.. ఊరుకునేది లేదని హెచ్చరించారు.

అనిత ఫోన్‌ కాల్‌ను స్పీకర్ ఆన్‌చేసి మీడియా ముందు అందరికి వినిపించారు. తాను వాస్తవాలను మాత్రమే ప్రజలకు చెబుతున్నానని అతడికి అనిత సమాధానం ఇచ్చారు. ఎంపీ మాధవ్‌ వ్యవహారంపై స్పందించాల్సిన అవసరం లేదని అతడు అన్నారు. టీడీపీ నేతలు కూడా తప్పులు చేశారని ప్రస్తావించగా.. ‘మీ ప్రభుత్వమే అధికారంలో ఉంది.. విచారణ జరిపి చర్యలు తీసుకోవచ్చు కదా’ అంటూ ఆమె బదులిచ్చారు. వీడియోలో ఎంపీ మాధవ్ ఉన్న మాట వాస్తవమే కదా.. ఈ విషయంపై మాట్లాడటంలో తప్పేంటని ప్రశ్నించారు.

మాధవ్ గురించి మాట్లాడితే బాధగా ఉందని.. ఫోరెన్సిక్ ల్యాబ్‌ రిపోర్ట్ వచ్చే వరకు ఆగాలని అనితను కోరారు. చిన్న విషయాన్ని రాద్దాంతం చేయొద్దన్నారు. ఇది చిన్న విషయం కాదని.. చాలా పెద్ద విషయమని అనిత అన్నారు. ఇలాంటి వాళ్లను లోక్‌సభకు పంపామా అని తెలుసుకోవడం మంచిదన్నారు. అతడు లోకేష్ పేరు ప్రస్తావించగా.. దమ్ముంటే పోలీసులకు ఫిర్యాదు చేయాలని అనిత కోరారు.

LEAVE A REPLY

Please enter your comment!
Please enter your name here