వర్షాకాలంలో మీ స్కిన్ మెరవాలంటే..

0
9

వర్షాకాలంలో తేమ పేరుకుపోవడం వల్ల చర్మంపై అనేక సమస్యలు వస్తాయి. జాగ్రత్తగా ఉండకపోతే ఇవే చర్మ సమస్యలుగా కూడా మారుతాయి. ఈ సమయంలో ఒక్కో రక చర్మం ఒక్కో విధంగా ఉంటుంది. వాతావరణం మారినప్పుడు అధిక తేమ అనేది చర్మంపై ప్రభావం చూపుతుంది. ఇలాంటి సమస్యల్ని దూరం చేసేందుకు కొన్ని DIYలు ట్రై చేయొచ్చు. వీటి వల్ల చర్మంపై ఎలాంటి ఎఫెక్ట్స్ కూడా ఉండవు. కాబట్టి ఇప్పుడు వర్షాకాలంలో ఏయే సమస్యలు వస్తాయి. అవి తగ్గేందుకు ఏమేం చేయాలో చూద్దాం..

మొటిమలు..

తేమ పెరగడం వల్ల మీ చర్మంపై బ్యాక్టీరియా పెరిగి మొటిమలు వస్తాయి. అలాంటప్పుడు ఏం చేయాలంటే..

  • చర్మ రంధ్రాలు మూసుకుపోకుండా ఉండేందుకు కనీసం వారానికి 2 లేదా మూడు సార్లు చర్మాన్ని ఎక్స్‌ఫోలియేట్ చేయాలి.
  • లైట్ వెయిట్ జెల్ ఆధారిత్ స్కిన్ మాయిశ్చరైజర్ వాడండి.
  • సాలిసిలిక్ యాసిడ్ ఆధారిత ఫేస్ వాష్ కూడా ఎంచుకోండి. దీనిని వాడడం వల్ల మీ చర్మంపై ఉన్న సహజ నూనెలు పోకుండా ఉంటాయి. ఇది మీ డాక్టర్‌ని కన్సల్ట్ అయి తెలుసుకోవచ్చు.
  • మీ మేకప్ రొటీన్‌ని లైట్‌గా ఉండేలా చూసుకోండి. బయటికి వెళ్ళి ఇంటికొచ్చిన ప్రతిసారి మేకప్‌ని తీసేయండి.
  • ముల్తానీ మట్టి, చార్‌కోల్ వంటి మాస్క్‌లు చర్మంపై జిడ్డు, మలినాలను తొలగిస్తాయి.
  • మీ ముఖాన్ని ఎక్కువగా కాకుండా రోజుకి ఒకటి లేదా రెండు సార్లు కడిగితే చాలు.
  • ముఖం మరి జిడ్డుగా ఉంటే ఓ రెండు చుక్కల నిమ్మరసంలో కొద్దిగా తేనె మిక్స్ చేసి ముఖానికి అప్లై చేసి 15 నిమిషాల తర్వాత కడగండి. ఇలా రెగ్యులర్‌గా చేస్తే సమస్య దూరమవుతుంది.

అలర్జీలు:
వర్షాకాలంలో అలర్జీలు రావడం కామన్. అవి చిరాకు, మంటను కలిగిస్తాయి. కాలుష్యం, వర్షం నీరు కారణంగా సమస్య పెరుగుతుంది. ఇది చివరికీ తామరగా మారుతుంది. కాబట్టి ఈ సమస్యను దూరం చేసేందుకు ఈ కింది టిప్స్ పాటించండి.

  • సున్నితమైన ఫేస్, స్కిన్ వాష్‌ని వాడండి.
  • ఓట్స్, అలోవేరా, శాండల్ పౌడర్, కోకో బటర్, చామంతి ఇలాంటి చర్మానికి సరిపోయే ప్రొడక్ట్స్‌ని తసీుకోండి.
  • మీ స్కిన్ కేర్ ప్రోడక్ట్స్‌లో ఆల్కహాల్, పారాబెన్, సువాసన లేనివాటిని ఎంచుకోండి.

అథ్లెట్ ఫుట్ :

కాలికి ఎక్కువగా వచ్చే ఫంగల్ ఇన్ఫెక్షన్ తెగ ఇబ్బందిగా ఉంటుంది. బొబ్బలు, పసుపు రంగులో మందపాటి ప్యాచెస్‌లా వచ్చి చర్మంపై దురద, కాలి పగుళ్ళు ఉంటాయి. ఇది ముదిరితే రక్తం వస్తూ చర్మం పొడిగా మారుతుంది. ఇది ఓ అంటువ్యాధి. కొన్ని చిట్కాల ద్వారా ఈ సమస్యని తగ్గించుకోవచ్చు.

  • వర్షం, నీటి కుంటల్లో నడవడం తగ్గించండి.
  • మీ పాదాలు తడవకుండా బూట్లు ధరించండి
  • తడి బూట్లు, సాక్స్‌లు వేసుకోవద్దు
  • మీ పాదాలను వీలైనంత వరకూ పొడిగా ఉంచుకోండి.
  • చెప్పులు వేసుకునే ముందు యాంటీ ఫంగల్ క్రీమ్స్ వాడడం
  • పాదాలకి వేప, కొబ్బరినూనె రాయడం

పిగ్మంటేషన్..

వర్షాకాలంలో హైపర్ పిగ్మంటేషన్ అనేది సాధారణ సమస్య. చర్మంలోని ఓ ప్రాంతం నల్లబడుతుంది. ఇది అంత ప్రమాదమేమీ కాదు. మెలనిన్‌ అధికంగా ఉత్పత్తి చేస్తుంది. సమస్య తగ్గడానికి..

  • సూర్యరశ్మికి వీలైనంత దూరంగా ఉండండి.
  • ప్రతిరోజూ SPF 40 అంతకంటే ఎక్కువ సన్‌స్క్రీన్‌ని వాడండి.
  • పగటి పూట క్యాప్స్, సన్‌గ్లాసెస్ వాడండి. గొడుగు వాడడం ఉత్తమం.

కొన్ని జాగ్రత్తలు తప్పనిసరి…

  • మీ చేతులు, కాళ్ళు క్రమంగా కడుక్కోండి. పొడిగా, తేమగా ఉండేందుకు ప్రయత్నించండి.
  • కాటన్ క్లాత్స్‌ వాడడం మంచిది.
  • టవల్స్, వాడే బట్టలు ఎవరితోనూ పంచుకోవద్దు.
  • ప్రతిరోజూ ఉదయం, రాత్రి పడుకునే ముందు టోనింగ్, మాయిశ్చరైజింగ్ రోటీన్‌ ఫాలో అవ్వండి.

LEAVE A REPLY

Please enter your comment!
Please enter your name here