విద్యార్థిని చితకబాదిన టీచర్లు..బాలుడు మృతి

0
5

వాచ్ దొంగతనం చేశాడన్న ఆరోపణలతో ముగ్గురు ఉపాధ్యాయులు కలిసి పదిహేనేళ్ల బాలుడిని చితకబాదడంతో తీవ్రంగా గాయపడిన విద్యార్థి చికిత్స పొందుతూ మృతి చెందాడు. ఈ దారుణ ఘటన ఉత్తరప్రదేశ్‌లో చోటుచేసుకుంది. బాలుడి మృతి వార్త తెలుసుకున్న ఉపాధ్యాయులు పాఠశాలకు తాళాలు వేసి పరారయ్యారు. ఈ కేసును సీరియస్‌గా తీసుకున్న ఎస్పీ నిందితుల కోసం ప్రత్యేక బృందాలతో గాలిస్తున్నారు.

ఉత్తరప్రదేశ్‌లోని కన్నౌజ్ జిల్లా చిబరమవు కొత్వాలి ప్రాంతం మడియా గ్రామానికి చెందిన 15 ఏళ్ల దిల్షాన్ అలియాస్ రాజా ఈ నెల 23వ తేదీ స్థానిక పాఠశాలలో 9వ తరగతిలో చేరాడు. అయితే, అదే రోజు మధ్యాహ్న సమయంలో ఉపాధ్యాయుడు శివకుమార్ యాదవ్.. దిల్షాన్‌కు ఫోన్ చేసి స్టాఫ్ రూమ్‌కి రమ్మన్నాడు. దిల్షాన్ రాగానే వాచ్ ఎందుకు దొంగతనం చేశావంటూ తలుపులన్నీ మూసేసి శివకుమార్ యాదవ్‌తో పాటు తోటి ఉపాధ్యాయులు ప్రభాకర్, వివేక్ దారుణంగా కొట్టారని బంధువులు ఆరోపించారు.

ఉపాధ్యాయులు తీవ్రంగా కొట్టడంతో అపస్మారక స్థితిలోకి వెళ్లిన విద్యార్థిని బంధువులు కాన్పూర్ ఆస్పత్రికి తరలించారు. అక్కడ చికిత్స పొందుతున్న దిల్షాన్ సోమవారం అర్ధరాత్రి మృతిచెందాడు. ఈ విషయం తెలుసుకున్న ఉపాధ్యాయులు పాఠశాలకు తాళం వేసి పరారయ్యారని.. వారి కోసం గాలిస్తు్న్నట్లు ఎస్పీ కున్వర్ అనుపమ్ సింగ్ తెలిపారు. పోస్టుమార్టం రిపోర్ట్ ఆధారంగా దర్యాప్తు ప్రారంభిస్తామని ఆయన వివరించారు.

LEAVE A REPLY

Please enter your comment!
Please enter your name here