విశాఖలో టీడీపీకి ఎదురు దెబ్బ..

0
8
వైజాగ్ జివిఎంసి స్టాండింగ్ కమిటీ  ఎన్నికల్లో వైఎస్సార్‌సీపీ క్లీన్ స్వీప్ చేసింది. పదికి పది స్థానాలు అధికార పార్టీ ఖాతాలోకి వెళ్లాయి. టీడీపీ కార్పొరేటర్లు కూడా వైఎస్సార్‌సీపీకి ఓటు వేశారని ఊహాగానాలు.

విశాఖలో టీడీపీకి ఎదురు దెబ్బ తగిలింది. గ్రేటర్‌ విశాఖ నగరపాలక సంస్థ (జీవీఎంసీ) స్థాయీ సంఘం ఎన్నికల్లో వైఎస్సార్‌సీపీ క్లీన్‌ స్వీప్‌ చేసింది. మొత్తం పది స్థానాలకు గాను పది స్థానాల్లో విజయం సాధించింది. ఈ ఎన్నికల్లో 98 డివిజన్లకు గాను 93 మంది కార్పొరేటర్లు ఓటు హక్కు వినియోగించుకున్నారు. జీవీఎంసీలో వైఎస్సార్‌సీపీకి 58 మంది కార్పొరేటర్లు ఉంట.. నలుగురు ఇండిపెండెంట్లు మద్దతు ఇచ్చారు. మొత్తం 62 మంది అధికార పార్టీకి ఉన్నారు. అయితే ఈ స్థాయీ సంఘానికి పోటీ చేసిన 10 మంది వైఎస్సార్‌సీపీ కార్పొరేటర్లలలో నలుగురికి 67 ఓట్లు చొప్పున పోలయ్యాయి. ఇద్దరికి 66, ముగ్గురుకి 65, ఒక కార్పొరేటర్‌కు 64 చొప్పున ఓట్లు వచ్చాయి.

ఈ స్థాయీ సంఘం ఎన్నికల్లో టీడీపీ, సీపీఐ, బీజేపీల నుంచి కార్పొరేటర్లు ఉన్నప్పటికీ.. ప్రధానంగా టీడీపీ కార్పొరేటర్లు వైఎస్సార్‌సీపీ అభ్యర్థులకు ఓట్లు వేశారనే టాక్ వినిపిస్తోంది. టీడీపీ కూడా జీవీఎంసీ స్టాండింగ్‌ కమిటీ ఎన్నికలను ప్రతిష్ఠాత్మకంగా తీసుకోవాలని భావించింది. గెలుపు, ఓటములు పక్కన పెట్టి ఎన్నికల బరిలో ఉన్నామని తెలిపింది. కానీ ఈ ఎన్నికల్లో అన్ని స్థానాలు వైఎస్సార్‌సీపీ దక్కించుకుంది. స్టాండింగ్ కమిటీ సభ్యులను మాజీ మంత్రులు కన్నబాబు, అవంతి శ్రీనివాస్‌లు అభినందించారు.

టీడీపీకి చెందిన కార్పొరేటర్లు సైతం ముఖ్యమంత్రి వైఎస్ జగన్‌కు మద్దతు పలకడం విశేషమన్నారు మాజీ మంత్రి, జీవీఎంసీ స్థాయీ సంఘం ఎన్నికల ఇంఛార్జ్ కురసాల కన్నబాబు . విశాఖ మహానగరాన్ని పరిపాలన రాజధానిగా చేయడానికి సీఎం ప్రయత్నిస్తుంటే చంద్రబాబు అడ్డుపడుతున్నారని విమర్శించారు. ముఖ్యమంత్రి జగన్‌ ఆదేశాలు, పార్టీ ఉత్తరాంధ్ర జిల్లాల ఇంఛార్జ్ వైవీ సుబ్బారెడ్డి సూచనలు, సలహాలతో ఈ విజయం సాధించామన్నారు.

LEAVE A REPLY

Please enter your comment!
Please enter your name here