9 రోజుల పాటూ శ్రీవారి భక్తులకు దర్శనాలు రద్దు..

0
10

తిరుమల శ్రీవారి భక్తులకు గమనిక.. సెప్టెంబర్‌లో 9 రోజుల పాటూ దర్శనాలు రద్దు, వారికే మాత్రమే అనుమతి

తిరుమల టూర్‌ను సెప్టెంబర్‌లో ప్లాన్ చేసుకుంటున్నవారికి ముఖ్యమైన గమనిక. 9 రోజుల పాటూ ప్రత్యేక దర్శనాలను రద్దు చేసిన టీటీడీ. సామాన్య భక్తులకు ప్రాధాన్యత ఇవ్వాలని నిర్ణయం తీసుకున్నారు.

తిరుమల శ్రీవారి భక్తులకు ముఖ్య గమనిక.. స్వామివారి వార్షిక బ్రహ్మోత్సవాల దృష్ట్యా టీటీడీ కీలక నిర్ణయం తీసుకుంది. బ్రహ్మోత్సవాలు జరిగే సమయంలో.. 9 రోజుల పాటు ప్రత్యేక దర్శనాలన్నీ రద్దు చేస్తున్నట్లు ప్రకటించింది. కేవలం సర్వదర్శనం ద్వారానే భక్తులకు అనుమతి ఉంటుంది. వీఐపీ బ్రేక్ దర్శనం కేవలం ప్రోటోకాల్ పరిధిలోని ప్రముఖులకే పరిమితం. ఇక సెప్టెంబర్ 27 నుంచి అక్టోబర్ 6 వరకు కేవలం సర్వదర్శనం గుండానే శ్రీవారీ దర్శనానికి భక్తులను టీటీడీ అనుమతిస్తుంది.

అధికార యంత్రాంగంతో బ్రహ్మోత్సవాల ఏర్పాట్లుపై సమావేశం నిర్వహించిన టీటీడీ ఈవో ధర్మారెడ్డి సమీక్ష నిర్వహించారు. ఈ క్రమంలోనే దర్శనాలకు సంబంధించి కీలక నిర్ణయం తీసుకున్నారు. సామాన్య భక్తులుకు ప్రాధాన్యత ఇచ్చేందుకే కీలక నిర్ణయం తీసుకున్నామని ఈవో తెలిపారు. బ్రహ్మోత్సవాలు జరిగే తొమ్మిది రోజులు పాటు ప్రత్యేక దర్శనాలు రద్దు చేశామన్నారు. సెప్టెంబర్ 27న ధ్వజారోహణం సందర్భంగా శ్రీవారికి రాష్ర్ట ప్రభుత్వం తరపున ముఖ్యమంత్రి వైఎస్ జగన్ పట్టు వస్త్రాలు సమర్పిస్తారని చెప్పారు.

అక్టోబర్ 1న గరుడ వాహనం.. అలాగే 5న చక్రస్నానం కార్యక్రమం ఉంటుంది. అక్టోబర్ 1వ తేదిన గరుడసేవ సందర్భంగా ఘాట్ రోడ్డులో ద్విచక్ర వాహనాలు అనుమతించమని.. వాహన సేవలు ఉదయం 8 గంటలకు.. రాత్రి 7 గంటలకు నిర్వహిస్తామన్నారు. భక్తులు ఈ మార్పులను గమనించి ఏర్పాట్లు చేసుకోవాలని.. టీటీడీకీ సహకరించాలని కోరారు.

LEAVE A REPLY

Please enter your comment!
Please enter your name here