Asia Cup:ముందు భారత్‌కు ఎదురుదెబ్బ.. గాయంతో బుమ్రా ఔట్

0
7
  • ఆసియా కప్ (Asia Cup T20) ప్రారంభానికి ముందు భారత అభిమానులకు చేదువార్త. ప్రధాన ఫాస్ట్ బౌలర్ జస్‌ప్రీత్ బుమ్రా ఈ టోర్నీ నుంచి నిష్క్రమించాడు. గాయంతో ఆసియా కప్ టీ20 (Asia Cup T20) టోర్నమెంట్‌కు బుమ్రా దూరమయ్యాడని బీసీసీఐకి చెందిన సీనియర్ అధికారి పీటీఐ ప్రతినిధితో అన్నారు. బ్యాక్ ఇంజ్యురీతో బాధపడుతున్న జస్‌ప్రీత్ బుమ్రా కోలుకునేందుకు మరికొంత సమయం పడుతుందని తెలిపారు. ‘బుమ్రా మా ప్రధాన ఫాస్ట్ బౌలర్.
  • టీ20 ప్రపంచ కప్ కల్లా అతడు తిరిగి జట్టులో చేరతాడని ఆశిస్తున్నాం. గాయంతో బాధపడుతున్న బుమ్రాను ఆసియా కప్‌లో ఆడించి, పరిస్థితి మరింత క్లిష్టంగా మార్చాలని మేం అనుకోవడం లేదు’ అని బీసీసీఐ సీనియర్ అధికారి అన్నారు. యూఏఈ వేదికగా ఆగస్టు 27 నుంచి ఆసియా కప్‌ ప్రారంభం కానుంది,భారత జట్టు తొలి మ్యాచ్‌లోనే చిరకాల ప్రత్యర్థి పాకిస్థాన్‌తో తలపడనుంది.
  • మరోవైపు టీ20 స్పెషలిస్ట్ బౌలర్‌గా కితాబులు అందుకుంటున్న ఫాస్ట్ బౌలర్ హర్షల్ పటేల్‌కి కూడా గాయమైంది. వెస్టిండీస్‌తో టీ20 సిరీస్‌లో ఆడుతున్న హర్షల్ పటేల్.. శనివారం ఫ్లోరిడా వేదికగా జరిగిన నాలుగో టీ20కి గాయం కారణంగా దూరమయ్యాడు. ఆసియా కప్‌లో అతడు ఆడేది సందిగ్ధంగా కనిపిస్తోంది.
  • బుమ్రా ప్రస్తుతం తన కుటుంబసభ్యులతో కలిసి అమెరికాలో వెకేషన్‌కి వెళ్లాడు. గాయం కారణంగా అతడు ఇప్పటికే వెస్ట్ ఇండిస్‌తో జరిగిన సిరీస్‌కి ఆడలేదు. జింబాబ్వే టూర్‌కి కూడా దూరమయ్యాడు. చివరిసారిగా అతడు ఇంగ్లండ్‌తో వన్డే సిరీస్ ఆడాడు.
  • విశ్రాంతి నుంచి తిరిగొచ్చిన తర్వాత బుమ్రా.. బెంగళూరులోని జాతీయ క్రికెట్ అకాడమీలో సాధన చేయాల్సి ఉంటుంది. ఫిట్‌నెస్ నిరూపించుకుంటే తదుపరి టోర్నీలకు ఎంపిక చేస్తారు. సెప్టెంబర్ – అక్టోబర్‌లో ఆస్ట్రేలియా, దక్షిణాఫ్రికాతో స్వదేశంలో జరిగే టోర్నీకి బుమ్రా అందుబాటులోకి వస్తాడని భావిస్తున్నారు.

LEAVE A REPLY

Please enter your comment!
Please enter your name here