ఉద్యోగులకు షాకిస్తోన్న కంపెనీలు,10 వేల మంది ఉద్యోగులతొలగింపు

0
2

చైనీస్ టెక్ దిగ్గజం అలీబాబా భారీగా ఉద్యోగులపై వేటు వేసింది. ఏకంగా ఒకేసారి 10 వేల మంది ఉద్యోగులను ఇంటికి పంపేసింది. ఖర్చులను తగ్గించుకునే చర్యలలో భాగంగా కంపెనీ ఈ నిర్ణయం తీసుకుంది. చైనాలో ఆర్థిక వ్యవస్థ నెమ్మదించడం, అమ్మకాల పడిపోవడంతో ఖర్చులను తగ్గించుకునేందుకు అలీబాబా కంపెనీ ఉద్యోగులపై వేటు వేసిందని మీడియా రిపోర్టులు తెలిపాయి. సౌత్ చైనా మార్నింగ్ పోస్టు ప్రకారం.. జూన్ క్వార్టర్‌లో అలీబాబా కంపెనీ నుంచి 9,241 మందికి పైగా ఉద్యోగులు బయటికి వచ్చేశారని పేర్కొంది. దీంతో కంపెనీ మొత్తం ఉద్యోగుల సంఖ్యను సుమారు 2,45,700కు కుదించినట్టు సౌత్ చైనా మార్నింగ్ పోస్టు పేర్కొంది.

జూన్‌తో ముగిసిన ఆరు నెలల సమయంలో అలీబాబాలో తగ్గిన ఉద్యోగుల సంఖ్య 13,6161గా ఉన్నట్టు ఈ మీడియా రిపోర్టు పేర్కొంది. మార్చి 2016 నుంచి తొలిసారి కంపెనీ పేరోల్ సైజును భారీగా తగ్గించుకుందని ఈ రిపోర్టు తెలిపింది.

అలీబాబా నికర ఆదాయం జూన్ క్వార్టర్‌లో 50 శాతం తగ్గి 22.74 బిలియన్ యువాన్లకు అంటే 3.4 బిలియన్ డాలర్లకు పడిపోయింది. గతేడాది ఇదే క్వార్టర్‌లో కంపెనీ 45.14 బిలియన్ యువాన్లు ఆర్జించింది. మరోవైపు అలీబాబా కంపెనీ తీవ్రంగా రెగ్యులేటరీ ఒత్తిళ్లను ఎదుర్కొంటోంది. చైనాలో ఆర్థిక వ్యవస్థ నెమ్మదించడంతో, వినియోగం కూడా పడిపోయింది. ప్రపంచంలో అతిపెద్ద ఈ-కామర్స్ మార్కెట్ చైనానే. ఈ దేశంలోనే ఈ పరిస్థితులు తలెత్తడంతో.. కంపెనీలు సంచలన నిర్ణయాలు తీసుకుంటున్నాయి.

LEAVE A REPLY

Please enter your comment!
Please enter your name here