AP NEWS: నేడు ఏపీకి కేంద్ర బృందం రాక..

0
3

రేపటి నుంచి వరద ప్రభావిత ప్రాంతాల్లో పర్యటన తర్వాత సీఎం జగన్‌తో సమావేశం:

  • ఇటీవల కురిసిన భారీ వర్షాలతో గోదావరి ముంపు ప్రాంతం అతలాకుతలమైంది. ముఖ్యంగా ఆంధ్రప్రదేశ్‌లోని కోనసీమ జిల్లా లంక గ్రామాలు పూర్తిగా నీటమునిగాయి. వరదల సమయంలో కేంద్ర ప్రభుత్వ నిధులతో పాటు రాష్ట్ర ప్రభుత్వం కొంత మేర సాయం కూడా అందించింది. అయితే, గోదావరి వరద ప్రభావిత ప్రాంతాల్లో పూర్తి స్థాయిలో ఎంత మేర నష్టం వాటిల్లిందో అంచనా వేయడానికి కేంద్ర బృందాలు పర్యటించనున్నాయి.

  • కేంద్ర హోం మంత్రిత్వ శాఖ ఆర్థిక సలహాదారు రవినేష్ కుమార్ నేతృత్వంలోని ఆరుగురు సభ్యులు ఇవాళ ఆంధ్రప్రదేశ్‌లో పర్యటించనున్నారు. రెండు బృందాలుగా ఏర్పడి వరద ప్రభావిత ప్రాంతాల్లో తిరిగి నష్టాలను అంచనా వేస్తారు. ఈరోజు మధ్యాహ్నం ఢిల్లీ నుంచి నేరుగా విశాఖపట్నం చేరుకోనున్నారు. విశాఖలతో ప్రభుత్వ అధికారులతో సమావేశమై వరద పరిస్థితులు, జరిగిన నష్టాలను సంబంధించి వివరాలు సేకరిస్తారు.. రాత్రికి అక్కడే బస చేస్తారు.

  • ఈ నెల 10, 11 తేదీల్లో కేంద్ర బృందాలు అల్లూరి సీతారామరాజు, బీఆర్ అంబేడ్కర్ కోనసీమ, ఏలూరు జిల్లాల్లో పర్యటిస్తారు. ఆ తర్వాత రెండు బృందాలు కలిసి విజయవాడ చేరుకుని సీఎం జగన్‌తో సమావేశమవుతాయి. 11 రాత్రి విజయవాడలోనే బస చేసి 12న తిరిగి ఢిల్లీకి వెళ్తాయి. కేంద్ర బృందంలో డాక్టర్‌ కె.మనోహరన్, శ్రావణ్‌కుమార్‌ సింగ్, పి.దేవేందర్‌ రావు, ఎం.మురుగునాథన్, అరవింద్‌ కుమార్‌ సోని సభ్యులుగా ఉన్నారని విపత్తుల సంస్థ ఎండీ బీఆర్‌ అంబేడ్కర్‌ తెలిపారు.

LEAVE A REPLY

Please enter your comment!
Please enter your name here