AP Rains: ఏపీపై అల్పపీడనం

0
6

అల్పపీడనం, ఆవర్తనం ప్రభావంతో వర్షాలు ఊపందుకున్నాయి. భారీ నుంచి ఓ మోస్తర్ వర్షాలు పడుతున్నాయి. మరో 48 గంటలు వానలు పడతాయని అప్రమత్తం చేశారు.

ఏపీని వాతావరణశాఖ అలర్ట్ చేసింది. వాయవ్య బంగాళాఖాతానికి ఆనుకుని.. పశ్చిమ మధ్య బంగాళాఖాతంలో ఏర్పడిన అల్పపీడనం.. తీవ్ర అల్పపీడనంగా మారి స్థిరంగా కొనసాగుతోంది. ఈ అల్పపీడనం ఒడిశా, చత్తీస్‌గఢ్‌ వైపు కదులుతూ రాగల 24 గంటల్లో వాయుగుండంగా మారే అవకాశం ఉన్నట్లు తెలిపింది. ఈ అల్పపీడనానికి అనుబంధంగా ఏర్పడిన ఉపరితల ఆవర్తనం విస్తరించి ఉంది. అలాగే నైరుతి రుతు పవన ద్రోణి కూడా తోడయ్యింది.

ఈ ప్రభావంతో మంగళ, బుధవారాల్లో ఉత్తర కోస్తాలో అనేక చోట్ల భారీ వర్షాలు కురుస్తాయంటున్నారు. దక్షిణ కోస్తా, రాయలసీమల్లో కొన్ని చోట్ల తేలికపాటి నుంచి మోస్తరు వర్షాలు కురుస్తాయి అంటున్నారు. అలాగే గంటకు 45 నుంచి 65 కిలోమీటర్ల వేగంతో ఈదురు గాలులు వీస్తాయని ఐఎండీ చెబుతోంది. మంగళ, బుధవారాల్లో ఉత్తర కోస్తాంధ్రలో మత్స్యకారులు సముద్రంలో చేపల వేటకు వెళ్లవద్దని విశాఖలోని తుఫాన్ హెచ్చరికల కేంద్రం తెలిపింది. ఇప్పటికే ఉత్తరాంధ్రలో పలు చోట్ల భారీ వర్షాలు పడుతున్నాయి. అంతేకాదు రాష్ట్రంలోని మిగిలిన ప్రాంతాల్లో అక్కడక్కడ ఓ మోస్తరు వర్షాలు పడ్డాయి.

అల్పపీడనం, ఆవర్తనం ప్రభావంతో సోమవారం నంద్యాల, బాపట్ల, గుంటూరు, కృష్ణా, ఎన్టీఆర్, ఏలూరు, తూర్పుగోదావరి, పార్వతీపురం మన్యం, అల్లూరి సీతారామరాజు జిల్లాల్లో పలుచోట్ల భారీ వర్షాలు పడ్డాయి. అల్లూరి జిల్లా చింతపల్లిలో 9.5 సెంటీమీటర్లు, శ్రీకాకుళం జిల్లా హిర మండలంలో 7.5 సెంటీమీటర్లు, అల్లూరి జిల్లా ముంచంగిపుట్టులో 7.4, నంద్యాల జిల్లా వెలుగోడులో 7, ఏలూరు జిల్లా జీలుగుమిల్లిలో 6.2, శ్రీకాకుళం జిల్లా కోటబొమ్మాళిలో 5.7, అల్లూరి జిల్లా మారేడుమిల్లిలో 5 సెంటీమీటర్ల వర్షపాతం నమోదైంది.

LEAVE A REPLY

Please enter your comment!
Please enter your name here