Badmintonలో మరో స్వర్ణ పతకం

0
4

కామన్వెల్త్ క్రీడల్లో భారత ఆటగాళ్లు సత్తా చాటుతున్నారు. బ్యాడ్మింటన్‌లో మరో స్వర్ణ పతకం దక్కింది. బ్యాడ్మింటన్‌ మహిళల సింగిల్స్‌లో తెలుగుతేజం పీవీ సింధు ఇప్పటికే స్వర్ణ పతకం సాధించగా.. పురుషుల సింగిల్స్‌ విభాగం ఫైనల్స్‌లో లక్ష్యసేన్ గోల్డ్ మెడల్ సాధించాడు. మలేషియా షట్లర్‌పై 19-21, 21-9, 21-16తో విజయం సాధించాడు. ఫైనల్లో ఇరువురు ఆటగాళ్లు హోరాహోరీ తలపడటంతో చివరివరకూ ఆట రసవత్తరంగా సాగింది. విజయం ఇరువైపులా దోబూచులాడింది. లక్ష్యసేన్ ఏమాత్రం ఒత్తిడికి, తడబాటుకు గురికాకుండా అద్భుత ప్రదర్శన చేసి, స్వర్ణ పతకాన్ని ఒడిసి పట్టాడు. విజయం అనంతరం తన షర్టు విప్పేసి కోర్టంతా కలియతిరుగుతూ అభిమానులను ఉత్తేజపరిచాడు. ఆ చొక్కాను ఓ అభిమానికి కానుకగా ఇచ్చేశాడు. లక్ష్యా సేన్ సాధించిన పతకంతో కామన్వెల్త్ గేమ్స్ 2022లో భారత్ పతకాల సంఖ్య 57కు ఎగబాకింది. పతకాల పట్టికలో భారత్ నాలుగో స్థానంలో ఉంది.

LEAVE A REPLY

Please enter your comment!
Please enter your name here