CM JAGAN FIRE:వారందరికీ అందుకే కడుపుమంట..

0
4

ముఖ్యమంత్రిగా తాను అధికారంలోకి వచ్చాక సమూల మార్పులు తీసుకొచ్చామని.. మనం వచ్చాక దోచుకోవడం లేదు, పంచుకోవడం లేదని ముఖ్యమంత్రి వైఎస్ జగన్మోహన్ రెడ్డి అన్నారు. అందుకే కొన్ని మీడియా సంస్థలు, ప్రతిపక్ష పార్టీల నాయకులు జీర్ణించుకోలేకపోతున్నారు, వీరి కడుపు మంటకు అదే కారణమని పేర్కొన్నారు. వాళ్లకు లేనివి, తనకు ఉన్నవి.. దేవుడి దయ, మీ అందరి ఆశీస్సులు అని పేర్కొన్నారు. బాపట్లలో గురువారం జరిగిన ‘జగనన్న విద్యా దీవెన’ కార్యక్రమంలో పాల్గొన్న సీఎం జగన్.. బటన్ నొక్కి లబ్ధిదారుల ఖాతాల్లో డబ్బు జమ చేశారు.

అనంతరం సీఎం జగన్ మాట్లాడుతూ.. ఏ బిడ్డకైనా అతి గొప్ప దీవెన చదువు మాత్రమేనని అన్నారు. ఏ బిడ్డకైనా తప్పనిసరిగా అందాల్సింది చదువు మాత్రమేనని.. ఏ ఒక్కరూ కొల్లగొట్టలేనిది చదువు మాత్రమేనని పేర్కొన్నారు. రాబోయే కాలంలో పోటీని ఎదుర్కొంటూ సంతోషంగా, ఆత్మవిశ్వాసంతో పిల్లలంతా జీవించాలని, దీని కోసమే ప్రభుత్వం తరఫున చేయాల్సిందంతా చేస్తున్నామని చెప్పారు.

ప్రతి మూడు నెలలకు ఒకసారి విద్యాదీవెన చెల్లిస్తున్నామని.. తల్లుల ఖాతాల్లోకి నేరుగా ఫీజు రీయింబర్స్‌మెంట్‌ చెల్లిస్తున్నామని సీఎం జగన్ తెలిపారు. 11.02 లక్షల మంది విద్యార్థుల తల్లుల ఖాతాల్లోకి రూ.694 కోట్ల రూపాయలు చెల్లిస్తున్నామని వివరించారు. విద్యాపరంగా, సామాజికంగా, ఆర్థికంగా, రక్షణ పరంగా అన్ని రకాలుగా అక్క చెల్లెమ్మలకు మంచి చేస్తున్నామన్నారు.

అలాగే, ప్రతిపక్ష నాయకులు, గత ప్రభుత్వాలపై సీఎం జగన్ తీవ్ర స్థాయిలో విమర్శలు గుప్పించారు. గతానికి, ఇప్పటికి పరిపాలనలో తేడాను గమనించాలన్నారు. మీ అన్న, మీ తమ్ముడు బటన్‌ నొక్కుతుంటే.. నేరుగా అక్క చెల్లెమ్మల ఖాతాల్లోకి డబ్బు వెళ్తోందని వివరించారు. ఎక్కడా లంచాలు లేవు, వివక్షలేదన్నారు.

గత టీడీపీ హయాంలో దోచుకో.. పంచుకో.. తినుకో అనేలా పరిపాలన ఉండేదని సీఎం జగన్ అన్నారు. కొన్ని పత్రికలు, టీవీలు చూస్తే వారి కడుపు మంట కనిపిస్తూ ఉంటుందన్నారు. గతంలో బాగా దోచుకుని పంచుకునే వాళ్లని.. మనం వచ్చాక దోచుకోవడం లేదు, పంచుకోవడం లేదు కాబట్టి.. జీర్ణించుకోలేకపోతున్నారని తెలిపారు. అందుకే వీరి కడుపు మంట కనిపిస్తోందన్నారు.

LEAVE A REPLY

Please enter your comment!
Please enter your name here