“సాలు దొర – సెలవు దొర” బీజేపీ కి షాక్ ఇచ్చిన ఎన్నికల సంఘం..

0
16
  • సీఎం కేసీఆర్‌కు వ్యతిరేకంగా తెలంగాణ బీజేపీ తలపెట్టిన ‘సాలు దొర – సెలవు దొర’ ప్రచారాన్ని నిలిపి వేయాలని కేంద్ర ఎన్నికల సంఘం ఆదేశించింది. ఈ ప్రచారంపై అభ్యంతరం వ్యక్తం చేసింది. ప్రచారానికి అనుమతి కోసం బీజేపీ చేసిన అభ్యర్థనతోనే ఈసీ ముందుకు ఈ విషయం వచ్చింది. సీఎం కేసీఆర్ అవినీతికి పాల్పడ్డారని ఆరోపిస్తూ.. ఆయన ఫొటోలతో పోస్టర్లు వేసేందుకు వీల్లేదనీ ఎన్నికల సంఘం స్పష్టం చేసింది.
  • ముఖ్యమంత్రి కల్వకుంట్ల చంద్రశేఖరరావు కు వ్యతిరేకంగా బీజేపీ చేపట్టిన ‘సాలు దొర – సెలవు దొర’ ప్రచారాన్ని నిలిపివేయాలని కేంద్ర ఎన్నికల సంఘం (EC) ఆదేశించింది. ఈ ప్రచారంపై ఈసీ అభ్యంతరం వ్యక్తం చేసింది. ఈ ప్రచారంపై ఈసీకి టీఆర్‌ఎస్ పార్టీ ఫిర్యాదు చేయలేదు. అయితే, ఈ ప్రచారానికి అనుమతి కోసం బీజేపీ పార్టీ చేసిన అభ్యర్థనతోనే ఈసీ ఈ క్యాంపెయిన్ గురించి పరిశీలించి నిలిపివేయాలని ఆదేశించింది. సీఎం కేసీఆర్ అవినీతికి పాల్పడ్డారని ఆరోపిస్తూ కేసీఆర్‌ ఫొటోలతో పోస్టర్లు ముద్రించేందుకు బీజేపీ అనుమతి కోరగా.. ఎన్నికల సంఘం నిరాకరించింది. అలా చేసేందుకు వీల్లేదని స్పష్టం చేసింది. సీఎం ఫొటోతో బీజేపీ పోస్టర్లు ముద్రించేందుకు అనుమతి నిరాకరిస్తున్నట్లు తెలిపింది. ఈ ప్రచారంపై బీజేపీ ఓ వెబ్‌సైట్‌ను కూడా ప్రారంభించిన సంగతి తెలిసిందే.
  • వచ్చే ఎన్నికల్లో విజయం సాధించి తెలంగాణ గడ్డపై కాషాయ జెండా ఎగరేయాలని బీజేపీ భావిస్తోంది. ఈ క్రమంలో శ్రేణుల్లో ఉత్సాహం నింపేందుకు దూకుడైన నిర్ణయాలతో ముందుకెళ్తోంది. ఇందులో భాగంగా కొంత కాలంగా ‘సాలు దొర – సెలవు దొర’ క్యాంపెయిన్‌ను ప్రారంభించింది. అటు.. టీఆర్‌ఎస్ కూడా నేరుగా ప్రధాని మోదీపై విమర్శలు కురిపిస్తూ ఈ ప్రచారాన్ని తిప్పికొడుతోంది.
  • కిందటి నెల ప్రధాని నరేంద్ర మోదీ హైదరాబాద్‌ పర్యటనకు వచ్చిన సమయంలో ఆయనపై విమర్శలతో పలు ప్రాంతాల్లో ఫ్లెక్సీలు వెలిశాయి. ఆ తర్వాత ముఖ్యమంత్రి కేసీఆర్‌ పైనా పలు ఆరోపణలు చేస్తూ కొన్ని చోట్ల పోస్టర్లు కనిపించిన సంగతి తెలిసిందే.

LEAVE A REPLY

Please enter your comment!
Please enter your name here