Electionsలో గెలిచింది భార్యలు.. ప్రమాణ స్వీకారం చేసింది భర్తలు

0
7
madyapradesh damoh elections

మధ్యప్రదేశ్‌లో దామోహ్ గ్రామ పంచాయతీ ఎన్నికలు వివాదాస్పదంగా మారాయి. పంచాయతీ ఎన్నికల్లోఆఫీస్ బేరర్లుగా, సభ్యులుగా కొంతమంది మహిళల గెలిచారు. కానీ విచిత్రంగా వారి భర్తలు ప్రమాణ స్వీకారం చేశారు. సాగర్, దామోహ్ జిల్లాలోని కొన్ని గ్రామాల్లో పంచాయతీ ఆఫీస్ బేరర్లు, సభ్యులుగా కొందరు మహిళలు ఎన్నికయ్యారు. కానీ వాళ్ల స్థానంలో వారి భర్తలు, తండ్రులు, మగ బంధువులు ప్రమాణం చేశారు.

ఆయా పంచాయతీ ఎన్నికలకు సంబంధించి మూడు అంచెల ఎన్నికలు జరిగాయి. ఆ ఎన్నికల్లో కొంతమంది మహిళలు పంచాయతీ సభ్యులగా ఎన్నికయ్యారు. అయితే ప్రమాణా స్వీకారోత్సవానికి ఎన్నికైన మహిళలెవరూ హాజరు కాలేదు. పైగా ఆయా మహిళల స్థానంలో వారి భర్తలే ప్రమాణ స్వీకారోత్సవానికి హాజరయ్యారంటూ ఆరోపణలు వచ్చాయి. సంబంధిత అధికారి ఆయా మహిళల భర్తలతో ప్రమాణ స్వీకారం చేయించినట్టు ఫిర్యాదుల వచ్చాయి. దీనికి సంబంధించిన వీడియోలు వైరల్ అయ్యాయి.

జైసీనగర్ గ్రామ పంచాయతీలో ఎన్నికైన పదిమంది మహిళల్లో ఒకరి తండ్రి, మరో ఇద్దరి భర్తలు, ఎన్నికైన సభ్యుల స్థానంలో మరో మహిళ బావ ప్రమాణం చేసినట్టు సంబంధిత వర్గాలు తెలిపాయి. అయితే ఈ ఘటనపై జిల్లా కలెక్టర్ ఎస్.కృష్ణ చైతన్య నివేదికలను కోరారు. ఆ నివేదికలు వచ్చిన వెంటనే సంబంధిత పంచాయతీ కార్యదర్శిపై తదుపరి చర్యలు తీసుకుంటామని కలెక్టర్ తెలిపారు.

అలాగే జైసీనగర్ గ్రామ పంచాయతీ కార్యదర్శి ఆశారాం సాహును సస్పెండ్ చేస్తూ సాగర్ జిల్లా పంచాయతీ చీఫ్ ఎగ్జిక్యూటివ్ ఆఫీసర్ శుక్రవారం ఉత్తర్వులు జారీ చేశారు. అయితే ఈ కార్యక్రమానికి హాజరు కావాలని ఎన్నికైన మహిళలు సూచించామని, కానీ వారు రాకపోవడంతో వారి తరఫున వారి బంధువులతో ప్రమాణం చేయడానికి అనుమతి ఇచ్చామని ఆశారాం చెప్పారు.

LEAVE A REPLY

Please enter your comment!
Please enter your name here