Godavari ఉగ్రరూపం.. భద్రాచలం వద్ద రెండో ప్రమాద హెచ్చరిక

0
5

భారీ వర్షాల నేపథ్యంలో ఎగువ ప్రాంతాల నుంచి కొనసాగుతున్న నిరంతర వరదతో గోదావరి మరోసారి ఉగ్రరూపం దాల్చింది. గంటగంటకు పెరుగుతున్న వరదతో భద్రాచలం వద్ద 52.5 అడుగుల నీటిమట్టానికి గోదావరి చేరింది. దాంతో అధికారులు రెండో ప్రమాద హెచ్చరికల కొనసాగిస్తున్నారు. నీటి మట్టం 53 అడుగులు దాటితే మూడో ప్రమాద హెచ్చరిక జారీ చేస్తామని అధికారులు అంటున్నారు. దాంతో లోతట్టు ప్రాంతాల ప్రజలను అధికారులు అప్రమత్తం చేశారు.

భారీ వర్షాల నేపథ్యంలో ఎగువ ప్రాంతాల నుంచి కొనసాగుతున్న నిరంతర వరదతో గోదావరి మరోసారి ఉగ్రరూపం దాల్చింది. గంటగంటకు పెరుగుతున్న వరదతో భద్రాచలం వద్ద 52.5 అడుగుల నీటిమట్టానికి గోదావరి చేరింది. దాంతో అధికారులు రెండో ప్రమాద హెచ్చరికల కొనసాగిస్తున్నారు. నీటి మట్టం 53 అడుగులు దాటితే మూడో ప్రమాద హెచ్చరిక జారీ చేస్తామని అధికారులు అంటున్నారు. దాంతో లోతట్టు ప్రాంతాల ప్రజలను అధికారులు అప్రమత్తం చేశారు. ఇప్పటికే భద్రాచలం నుంచి దుమ్ముగూడెం, చర్ల, కూనవరం, వీఆర్‌పురం, చింతూరు మండలాకు వాహన రాకపోకలకు అంతరాయం ఏర్పడింది.

నాగార్జునసాగర్‌కి కూడా వరద ప్రభావం పెరగడంతో పూర్తి స్థాయిలో గేట్లు ఎత్తివేసి నీటిని కిందకు విడుదల చేశారు. రెండో రోజు ప్రాజెక్ట 26 గేట్లు ఎత్తి దిగువకు నీటి విడుదల చేస్తున్నారు. శ్రీశైలం జలాశయం నుంచి నిరంతరంగా భారీ వరద వస్తుందని అధికారులు చెబుతున్నారు. ప్రస్తుతం నాగార్జున సాగర్ వద్ద ఇన్‌ఫ్లో 4,14,014 క్యూసెక్కులు కాగా.. ఔట్‌ఫ్లో 4,22,292 క్యూసెక్కులు. నాగార్జునసాగర్ ప్రాజెక్టు పూర్తి స్థాయి నీటిమట్టం 590 అడుగులు కాగా.. ప్రస్తుతం 587.50 అడుగులుగా ఉందని అధికారులు తెలిపారు.

మరోవైపు జూరాల ప్రాజెక్టుకు కూడా వరద పోటెత్తింది. ప్రాజెక్టు 38 గేట్లు ఎత్తి అధికారులు నీటిని కిందకు వదిలారు. ప్రాజెక్టులోకి ప్రస్తుతం 2.65 లక్షల క్యూసెక్కుల వరద వస్తుండగా.. 2.7 లక్షల క్యూసెక్కుల నీటిని దిగువకు వదులుతున్నారు. ప్రాజెక్టు గరిష్ట నీటి నిల్వ 9.65 టీఎంసీలు కాగా ప్రస్తుతం 7.66 టీఎంసీలు ఉందని.. పూర్తి స్థాయి నీటిమట్టం 318.51 మీటర్లకు ప్రస్తుతం 317.51 మీటర్ల వరకు నీరు చేరినట్లు అధికారులు తెలిపారు.

LEAVE A REPLY

Please enter your comment!
Please enter your name here