GST On House Rent: ఇంటి అద్దెలపై జీఎస్టీ కట్టాలా..!

0
5

GST On House Rent: ఇళ్ల అద్దెలపై మనం జీఎస్టీ కట్టాలా..? జీఎస్టీ వల్ల ఇళ్ల అద్దెలు పెరగబోతున్నాయా..? అనే వార్తలపై కేంద్ర ప్రభుత్వం క్లారిటీ ఇచ్చింది. ఇళ్ల అద్దెలపై 18 శాతం జీఎస్టీ విధిస్తున్నారంటూ వస్తున్న వార్తలు పూర్తిగా అవాస్తవమని కొట్టిపారేసింది. అయితే ఎప్పుడు ఈ అద్దెలు కట్టాలి అన్న విషయంపై స్పష్టతనిచ్చింది.

GST on House Rent: ఇటీవల కాలంలో పలు రకాల ఉత్పత్తులపై జీఎస్టీ కౌన్సిల్ పన్ను రేట్లను పెంచింది. రేట్ల పెంపుతో దేశవ్యాప్తంగా తీవ్ర ఆందోళనలు జరుగుతున్నాయి. అంతేకాక పుకార్లు కూడా అదే స్థాయిలో చక్కర్లు కొడుతున్నాయి. తాజాగా ఇంటి అద్దెలపై కూడా ప్రభుత్వం జీఎస్టీ 18 శాతం జీఎస్టీ రేటు వేస్తుందంటూ పలు రకాల వార్తలు చక్కర్లు కొట్టాయి. దీనిపై కేంద్రం ప్రెస్ ఇన్‌ఫర్మేషన్ బ్యూరో ద్వారా క్లారిటీ ఇచ్చింది.

ఇంటి అద్దెలపై 18 శాతం జీఎస్టీని అద్దెకున్న వారిపై ప్రభుత్వం విధిస్తుందన్నది పూర్తిగా అవాస్తవమని ప్రెస్ ఇన్‌ఫర్మేషన్ బ్యూరో ఫ్యాక్ట్ చెక్ ద్వారా సమాచారమందించింది.అయితే రెసిడెంటల్ యూనిట్‌ని వ్యాపార సంస్థకు అద్దెకు ఇచ్చినప్పుడు మాత్రమే అది పన్ను కిందకు వస్తుందని పేర్కొంది. ఈ విషయంపై పీఐబీ ఫ్యాక్ట్ చెక్ ట్విటర్ ద్వారా ప్రజలకు సమాచారమిచ్చింది. వ్యక్తిగత అవసరాల కోసం ప్రైవేట్ వ్యక్తులకు అద్దెకు ఇస్తే ఎలాంటి జీఎస్టీ ఉండదని పేర్కొంది. అదేవిధంగా సంస్థ యజమాని వ్యక్తిగత అవసరాల కోసం ప్రాపర్టీని అద్దెకు ఇచ్చినప్పుడు కూడా జీఎస్టీ ఉండదు.మీ ఇంటి అద్దెలు 18 శాతం వరకు పెరగబోతున్నాయని పలు మీడియాలలో వార్తలు వస్తున్నాయి. ఎందుకంటే మోదీ ప్రభుత్వం ఇంటి అద్దెలపై కూడా జీఎస్టీని విధిస్తుందని ట్విటర్‌లో, పలు మీడియా సంస్థలలో పేర్కొంటున్నారు. ధరల పెంపు తీవ్రంగా ఉన్న నేపథ్యంలో.. సామాన్య ప్రజల జేబుల్లో నుంచి ప్రతి పైసను మోదీ ప్రభుత్వం తీసుకుంటుందని విమర్శలు వెల్లువెత్తుతున్నాయి. దీనిపై మీడియాలో వస్తున వార్తలపై క్లారిటీ ఇస్తూ కేంద్ర ప్రభుత్వం పీఐబీ ఫ్యాక్ట్ చెక్ ద్వారా ప్రజలకు స్పష్టతనిచ్చింది.

LEAVE A REPLY

Please enter your comment!
Please enter your name here