Jagan సర్కార్‌కు మరో కొత్త సలహాదారుడు.. 

0
6
jwalapuram srikanth

జగన్ సర్కార్ మరో కొత్త సలహాదారుడ్ని నియమించింది. అనంతపురం జిల్లాకు చెందిన జ్వాలాపురం శ్రీకాంత్‌ ను దేవాదాయశాఖ సలహాదారుగా నియమించారు. ఈ మేరకు ప్రభుత్వం శుక్రవారం ఉత్తర్వులు జారీ చేసింది. శ్రీకాంత్ ఈ పదవిలో రెండేళ్లు కొనసాగనున్నారు.. ఆయన ఏపీ బ్రాహ్మణ సేవా సంఘ సమాఖ్య అధ్యక్షుడు కూడా. అంతేకాదు ఈయన గత ప్రభుత్వ హయాంలో బ్రాహ్మణ కార్పొరేషన్‌కు అనంతపురం నగరపాలక సంస్థ పరిధి సమన్వయకర్తగా కొంతకాలంగా కొనసాగారు.2019 ఎన్నికల తర్వాత వైఎస్సార్‌సీపీలో చేరారు.శ్రీకాంత్‌కు జీతభత్యాలు గురించి క్లారిటీ ఇవ్వలేదు. అయితే వార్షిక ఆదాయం రూ.5 లక్షలు దాటిన ఆలయాల నుంచి దేవాదాయ పరిపాలన నిధి EAF కింద 8% వసూలు చేస్తారు. వీటి నుంచే శ్రీకాంత్‌కు జీతం, ఇతర భత్యాలు కలిపి నెలకు రూ.లక్షన్నరకు పైగా చెల్లించబోతున్నట్లు తెలుస్తోంది. ఉత్తర్వుల్లో మాత్రం 2018లో జారీ చేసిన జీవో నంబర్ 80 ప్రకారం జీతాలు, అలవెన్సులు చెల్లిస్తారని ప్రస్తావించారు. జగన్ సర్కార్ అధికారంలోకి వచ్చిన తర్వాత పలువుర్ని ప్రభుత్వ సలహాదారులుగా నియమించిన సంగతి తెలిసిందే.

LEAVE A REPLY

Please enter your comment!
Please enter your name here