AUG 18 నుంచి తెలంగాణ పోలీస్‌ కానిస్టేబుల్‌ హాల్‌టికెట్లు.. 28న ప్రిలిమినరీ

0
4

TSLPRB Constable Hall Ticket 2022: తెలంగాణలో ఆగస్టు 21వ తేదీన జరగాల్సిన పోలీస్‌ కానిస్టేబుల్‌ ప్రిలిమినరీ రాత పరీక్ష వాయిదా పడింది. తిరిగి ఈ పరీక్ష ఆగస్టు 28వ తేదీకి వాయిదా పడింది. ఈ మేరకు తెలంగాణ రాష్ట్ర పోలీసు నియామక మండలి (TSLPRB) చైర్మన్‌ వి.వి.శ్రీనివాసరావు తాజాగా విడుదల చేసిన ఒక ప్రకటనలో వెల్లడించారు.

పోలీసుశాఖలో 15,644, రవాణాశాఖలో 63, ఆబ్కారీ శాఖలో 614 మంది కానిస్టేబుళ్ల భర్తీకి సంబంధించి నియామక మండలి గత ఏప్రిల్‌ నెలలో ప్రకటన జారీ చేసిన సంగతి తెలిసిందే. ఎస్సై ఉద్యోగాలకు ఆగస్టు 7వ తేదీన పరీక్ష నిర్వహించగా కానిస్టేబుల్‌ ఉద్యోగాలకు ఇదే నెల 21వ తేదీన ప్రాథమిక రాత పరీక్ష నిర్వహించనున్నట్లు ముందు ప్రకటించారు.

అయితే.. పరిపాలనాపరమైన సమస్యల కారణంగా ఈ పరీక్షను ఆగస్టు 28కి వాయిదా వేశారు. ఉదయం 10 నుంచి మధ్యాహ్నం ఒంటి గంట వరకూ ఈ పరీక్ష నిర్వహించనున్నారు. దీనికి సంబంధించి హాల్‌టికెట్లను ఆగస్టు 18వ తేదీ నుంచి డౌన్‌లోడ్‌ చేసుకోవచ్చని నియామక మండలి చైర్మన్‌ (TSLPRB) విడుదల చేసిన ప్రకటనలో తెలిపారు. ఈ ఉద్యోగాలకు మొత్తం 9.50 లక్షల మంది దరఖాస్తు చేసుకున్నారు. పరీక్ష నిర్వహణ కోసం హైదరాబాద్‌ సహా 40 పట్టణాల్లో పరీక్ష కేంద్రాలను ఏర్పాటు చేశారు. అభ్యర్థులు పూర్తి వివరాలకు, హాల్‌టికెట్లను డౌన్‌లోడ్‌ చేసుకోవడానికి (https://www.tslprb.in/) వెబ్‌సైట్‌ చూడొచ్చు.

LEAVE A REPLY

Please enter your comment!
Please enter your name here