Breaking News:విడిన ఉత్కంఠ గోరంట్ల మాధవ్ నగ్న వీడియో ఫేక్.

0
23

వీడియోపై అనంతపురం జిల్లా ఎస్పీ ఫకీరప్ప ప్రెస్ మీట్ నిర్వహించారు. వీడియో బయటకు వచ్చిన తర్వాత పరిణామాలు.. అనంతపురం టూ టౌన్ పోలీస్ స్టేషన్‌లో కేసు నమోదైందని తెలిపారు.

  • ఏపీలో సంచలనంరేపిన ఎంపీ గోరంట్ల మాధవ్ వీడియో ఒరిజనల్ కాదని భావిస్తున్నామన్నారు అనంతపురం జిల్లా ఎస్పీ ఫకీరప్ప. హిందూపురం ఎంపీ గోరంట్ల మాధవ్ ప్రతిష్ట దెబ్బ తీసే విధంగా మార్ఫింగ్ చేసి వీడియోను సోషల్ మీడియాలో గుర్తు తెలియని వ్యక్తులు వైరల్ చేసినట్లు.. ఎంపీ అభిమాని అయిన కొనలాలపల్లి వెంకటేశ్వరరావు ఫిర్యాదు చేసినట్లు తెలిపారు. అనంతపురం టూటౌన్ పోలీసు స్టేషన్లో ఇచ్చిన ఫిర్యాదు మేరకు ఈనెల 4 న కైం నంబర్ 185/2022, sec 67 A, 66 E of IT act, sec 292, 509 of IPC కేసు నమోదు చేసినట్లు తెలిపారు.
  • ఇప్పటి వరకు లభించిన సమాచారం మేరకు సోషల్ మీడియాలో వైరల్ అయిన వీడియో.. మొట్ట మొదటిగా ITDP official అనే వాట్సాప్ గ్రూపులో ఈనెల 4న అర్ధరాత్రి 02:07 am గంటలకు +447443703968 నంబర్ నుంచి తొలిగా సదరు వీడియోను పోస్ట్ చేసినట్లు తేలిందని తెలిపారు. ఈ వీడియో పోస్ట్ చేసే కొన్ని క్షణాల ముందు TDP official అనే వాట్సాప్ గ్రూపులో సదరు నంబర్ అయిన +447443703968 ను యాడ్ చేశారనన్నారు. సదరు నంబర్ U.K వొడాఫోన్ కు సంబంధించినదిగా ప్రాథమిక దర్యాప్తులో వెల్లడి అయ్యింది అన్నారు.
  • తదుపరి దర్యాప్తులో భాగంగా సోషల్ మీడియాలో తొలిసారిగా వీడియోను పోస్ట్ చేసిన సదరు నంబర్ ఇంటర్నేషనల్ నంబర్ కావడం వల్ల ఆ నంబర్ కు సంబంధించిన వ్యక్తి వివరాలు సేకరించే పనిలో దర్యాప్తు కొనసాగుతోంది అన్నారు. సోషల్ మీడియాలో వైరల్ అవుతున్న వీడియో ఒరిజినల్ కాదని.. ఒక వ్యక్తి రికార్డ్ చేసిన వీడియోను ఇంకొకరికి పంపించి ఆ వ్యక్తి తన మొబైల్ లో చూస్తున్నప్పుడు మరో వ్యక్తి
    ఆయన మొబైల్ ఫోన్ లోని వీడియోను చిత్రీకరించి ఆ వీడియోను వైరల్ చేశారన్నారు.
  • ఈ వీడియో సోషల్ మీడియాలో పలు సార్లు ఫార్వర్డ్, రీ పోస్ట్ చేశారని.. చాలాసార్లు ఈ వీడియోను ఫార్వర్డ్ మరియు రీ పోస్ట్ చేయడం వల్ల ఒరిజినల్ అని నిర్ధారించలేకపోతున్నామన్నారు. సోషల్ మీడియాలో చక్కర్ల కొడుతున్న ఈ వీడియో ఒరిజినల్ కాదు కాబట్టి మార్ఫింగ్
    లేదా ఎడిటింగ్ జరిగి ఉండొచ్చన్న అనుమానాలు ఉన్నాయన్నారు. ఈ వీడియోకు సంబంధించి బాధితులు ఎవరూ ఎటువంటి ఫిర్యాదు చేయలేదన్నారు.
  • కొద్దిరోజుల క్రితం ఎంపీ గోరంట్ల మాధవ్ వీడియో ఒకటి వైరల్ అయ్యింది. ఎంపీ ఓ మహిళతో న్యూడ్ వీడియో కాల్‌లో మాట్లాడారని సోషల్ మీడియాలో వీడియను సర్క్యులేట్ చేశారు. ఈ వీడియో బయటకు రావడంతో మాధవ్ వెంటనే స్పందించారు. ఇదంతా కుట్రని.. అది మార్ఫింగ్ వీడియో అంటూ క్లారిటీ ఇచ్చారు. ఇప్పటికే దీనిపై పోలీసులకు ఫిర్యాదు చేశానని.. ఫోరెన్సిక్ ల్యాబ్‌కు పంపిస్తే నిజానిజాలు తెలుస్తాయన్నారు. తాను ఎలాంటి విచారణకైనా సిద్ధమన్నారు. వైఎస్సార్‌సీపీ కూడా అదే చెబుతోంది.. వీడియోపై విచారణ జరిపి నిజమని తేలితే చర్యలు తప్పవంటోంది.

LEAVE A REPLY

Please enter your comment!
Please enter your name here