Yamuna నదిలో ఘోర పడవ ప్రమాదం.. 

0
3

20 మంది గల్లంతు, రాఖీ కట్టేందుకు వెళ్తూ!

 యమునా నదిలో ఘోర ప్రమాదం చోటు చేసుకుంది. పడవ బోల్తా పడిన ఘటన ఆందోళన కలిగిస్తోంది. 4 మృతదేహాలను వెలికి తీశారు. ఈ ప్రమాదంలో 20 మంది గల్లంతయ్యారు. ఉత్తర్ ప్రదేశ్‌లోని బాందాలో ఆగస్టు 11న మధ్యాహ్నం ఈ ప్రమాదం చోటు చేసుకుంది. ప్రమాద సమయంలో పడవలో 50 మంది ఉన్నట్లు తెలుస్తోంది. సహాయక చర్యలు కొనసాగుతున్నాయి. ఘటనకు సంబంధించిన వివరాలు తెలియాల్సి ఉంది.

మునా నదిలో ఘోర ప్రమాదం చోటు చేసుకుంది. పడవ బోల్తా పడిన ఘటన తీవ్ర ఆందోళన కల్గిస్తోంది. నాలుగు మృతదేహాలను వెలికి తీశారు. ఈ ప్రమాదంలో 20 మంది మృతి చెందినట్లు వార్తలు వినిపిస్తున్నాయి. దీన్ని అధికారులు ధ్రువీకరించాల్సి ఉంది. ఉత్తర్ ప్రదేశ్‌లోని బాందాలో గురువారం (ఆగస్టు 11) మధ్యాహ్నం ఈ ప్రమాదం చోటు చేసుకుంది. ప్రమాద సమయంలో పడవలో 50 మంది ప్రయాణికులు ఉన్నట్లు తెలుస్తోంది. గల్లంతైన వారి కోసం సహాయక చర్యలు చేపట్టారు. పూర్తి వివరాలు తెలియాల్సి ఉంది.

రాఖీ పండుగ వేళ చోటు చేసుకున్న ఈ ప్రమాదం బాధిత కుటుంబాల్లో తీవ్ర విషాదం నింపింది. ప్రమాదంలో ఎక్కువ మంది మహిళలు, చిన్నారులే ఉన్నారు. రక్షాబంధన్ నేపథ్యంలో సోదరులకు రాఖీ కట్టేందుకు కొంత మంది మహిళలు తమ సోదరుల ఇంటికి బయల్దేరారు. ఉత్తర్ ప్రదేశ్, బిహార్‌లో కురుస్తున్న భారీ వర్షాలతో గంగా నది దాని ఉపనదులు ఉప్పొంగి ప్రవహిస్తున్నాయి. ఈ నదీ పరివాహక ప్రాంతాల్లోని చాలా గ్రామాలకు ప్రజలు పడవల ద్వారా రాకపోకలు సాగిస్తారు. రోడ్డు మార్గం ద్వారా వెళితే ఎక్కువ దూరం ప్రయాణించాల్సి రావడంతో ఈ మార్గాన్ని ఎంచుకుంటారు.

గురువారం ఉదయం తమ సోదరులకు రాఖీలు కట్టేందుకు బయల్దేరిన కొంత మంది మహిళలు బోటులో ఎక్కారు. బోటు మార్గమధ్యంలోకి వెళ్లగానే ఈ ప్రమాదం చోటు చేసుకున్నట్లు తెలుస్తోంది. సామర్థ్యానికి మించి ఎక్కువ మందిని బోటులో ఎక్కించుకోవడం, నదిలో ప్రవాహం ఎక్కువగా ఉండటం వల్ల ఈ ప్రమాదం జరిగినట్లు అధికారులు ప్రాథమికంగా చెబుతున్నారు..

LEAVE A REPLY

Please enter your comment!
Please enter your name here